Mamallakta Tantanakuy Ministro de Salud kamachikta surkunkapa arinirka

Miércoles, 27 de enero del 2021 - 12:07 Imprimir Elaborado por: Sala de prensa

Mamallakta Tantanakuy 121 apuchiwan kay Ministro de Salud Pública, Juan Carlos Zevallos kamachikta llankaymanta surkunkapa arinirka.

Chaymanta, kipaman Lenín Moreno, Mamallakta Pushakta mañashun nirka, manarak anchurishpa Mamallakta Tantanakuyman shamuchun mañarka.

Kay arinishka yuyarika Doris Soliz kamachiy killkak,  Rodrigo Collahuazo kamachiy killkak mañashkata yaykuchirka.

Shinami, paykunaka Ecuador llaktapi kawsak runakunaman hatun unkuyta pichankapa hampikunata Hatun Kamachik apamuchun, kullkita mana mañashpalla hampichun mañarka. Hampita rantishpa mashna kullkita tukuchishkata achiklla willachun mañarka.

Killkashka pankapika, Mamallakta Pushak, Ministro de Salud Pública kamachik chay Apoyo Humanitario para Combatir la Crisis Sanitaria Derivada del COVID-19 kamachiy rimashkata paktachichun, hampishpa llankakkunaman unipak llankay tiyachun mañarka.

Kamachiy killkakkuna rimashpaka, hampikuna rantishka achiklla rikurichun mañarka, runakunata hampinata hampina chaymukka tukuykunaman achiklla rikurichun, mashna kullkita hampikikunata rantishka achikllata willachun mañarka. Unkuywan takarishpa mashna hampikkunata hamishkata willachun, imashina sapan puncha hampishpa katinatapash willachun mañarka.

Kay Ecuador llaktapi runakunata hampinaka llankaykuna wiñarichun, tukuylla ruraykunata paktachina, riksina llankaykunata pushana, kullkikuna mirarichun kanka. Hatun unkuy runakunata takakukpi, paykunata hampiwan ukllana kachun mañarka.

RSA/cz/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador