Kay Función Legislativa Hatun Kamachiypak 47 nikita katishpa, Consejo Nacional Electoral (CNE) Diana Atamaint kamachik pay watapi llankashkata Mamallakta Tantanakuyman riksichirka.
Kunan wata akllaypak kay Código de la Democracia tawkakutin allichikuna tiyarka nishpa riksichirka, shinami chaypi kakkunanam achiklla willarka.
Chaymanta, tukuyta pampanchishpa apuna, chay Webster ñanta katina, akllarinakuna atinakuchun mañashka kachun, llaktaypi warmita takakpi wanachina yuyari karka.
Akllaymanta kipunamantaka Registro Civi kipupi rikushpa, Consejo de la Judicatura kipupi rikushpa, Ministerio de Relaciones Exteriores y Movilidad Humana kipupi rikushpa rurashkatami riksichirka.
Chaykunata rikushpami Mamallaktapika 13 099 150 yupay akllaykuna tiyashkata rikuchirka, shinallatak Registro Electoral Pasivo shutita tarirka, chayka 607 417 runakunami kan.
Paypak llankayka akllarinakuna killkarishka, apuchikkunapak kawsana kuskata rantinchishkata, akllarina katikuypi mashna kullkita tukuchishkata, apuchita hapik patakukuna mashna tiyashkata, chay Elecciones Seccionales de 2019 watapi markakunapi akllay tiyashkata, zirmata katishpa akllashkamanta riksichirka.
Akllak kamachik tukuchinkapa kayta rimarka: CNE kamaywasi yachayta rurashka kipa, achiklla llankaykunata rurashun nishpa riksichirka, unkuykuna runakunata ama hapichun ukllashun nirka, tukuy Ecuador llaktapi kawsakta runakuna kamachikkunata akllankapa, apuchichinka chayachun mañarka. Shina Mamallakta paypak llankayta paktachinka nirka.
SV/cz/jc-kichwa
