Mamallakta TantanakuyPuerto Bolívar kamachiyta 114 apuchiwan arinirka, chayka kullkita 10% patsakri, kullkimanta 50 % kullkikama wichiyanata yanapanka.
Chay kullkika Autoridad Portuaria de Puerto Bolívar (APPB) kullkimanta El Oro markapak Gobiernos Autónomos Descentralizados (GAD) kamaywasiman, Machala kitiman yaykurinka nirka.
Chay kullkikunaka, El Oro markapak GAD hapinka, paykuna tukuylla mutsurishkapi churanka. Shinami Mamakamachiy rimashkata, Código Orgánico de Organización Territorial, Autonomía y Descentralización (Cootad) kamachiy rimashkata paktachinka. rimarka.
Kay Franco Romero kamachiy killkak, Comisión de Régimen Económico tantarita pushakmi kay Desarrollo de Puerto Bolívar kamachiyta churarka, kay kamachiywan Puerto Bolívar, kiti ayllullakta allichina kan nirka.
Kay atinakuyka, Patricia Henríquez, kamachiy killkak, paypash kay allichina kamachiyta churarka, kay shulkapi wiñarik kullkita kaypillatakmi sakirina kan, chay kullkiwan tukuylla llankaykunata rurana kan nirka. Shinallatak Mercedes Serrano, kamachiy killkak, Puerto Bolívar llaktamanta rikurik kullkika kaypillatakmi sakirinata charin nirka.
Kay Fredy Alonso, kamachiy killkakka, chay Puerto Bolívar shulkaka kunanpi shitashkami kan nirka, chaymanta kunanka maypi tarpuykuna tiyak allpapi, pukushkakuna tiyak allpapi kullkita churachun, yakuta, kitiñankunata allichun mañarka.
JLVN/cz/jc-kichwa
