Shinami kay Desarrollo Económico Tantari Economía Circular Inclusiva kamachiyta alli killkarichun mushuk yuyaykunata churashpa katin.
Chaymanta kay yanapaykunawan ashtawan rimanakuchun tukuy nikikuna willakta killkanka.
Tantariman yaykurishka kamachiy killkakkuna Karina Barrera, General de Equilibrium Novus kamachik rimashkata uyarka, kay muyuy kullkika allpapachapi shuklaya riksishkami kan nishpa riksichirka.
Llankakwasikuna mana mikunatallata rurachun shukmushuksami llankaymi kan nirka. Tiyakkunata allichishpa, hillaykunata rurashpa llaktakuna allichirichunmi yanapanka.
Katipika, María Eugenia Moreno warmi, Unión de Gestores y Residuos y Desechos de Ecuador tantarita pushak, payka kimsa iñukunata rimanamanta riksichirka: kikin makipi charishpa llankkaykunata paktachinamanta rimarka, katuna pankakunata wiñachina, paktachina ñankunata ruranata willarka.
Paymanta, Alex Godoy, Red de Soluciones para el Desarrollo Sostenible en la Región Andina tantarita pushak, kay muyuy kullkika, kullki muyukuy katikuyta pushanka, llankakwasikuna shuyalla ruraykunata paktachishpa kullki, pukuykuna llikata ñawpakman apanka.
Kamachiy killkak Fernando Callejas, Tukuylla Llankakwasikunaka, paykunapak llankaypi hatun chapaykunata rurachun mañarka. Tukuylla llankakwasikunaka Contratación Pública kamachiy chapashkami kana kan nishpa, tukuypak ñawpakpi rimarka.
Tantarita yanapakkuna, tawka rikuyna pallashka pankata killkashka, chayta riksichinkapa shuk yachayta rurana yuyayta charin. Chay rikuykunatami tantarin ukupi rimanakunata mañan, chay rikuykunawan kallari atinakuypak shuk willayta killkanka, nirka.
SV/cz/jc-kichwa
