Kay Secretaría del Deporte uku, Israel Verdugo pushakwan, kunan wataka Mamallakta pukllakkunaman 77 hunu kullkita churachun mañarka.
Chaypak Ministerio de Finanzas arinishpa kachana kan, chay kullkika pukllak tantariman, pukllakkunaman chayanka.
Shinami Grupo Parlamentario del Deporte kamachiy killkakkunapak ñawpakpi, Sebastián Palacios kamachik, pukllakkunapak killkakamayukmi kan, paymi, mashna kullki mutsuririshkata tukuylla llaktay ukupi mañaykunata rurashpa llankan.
Yallik 2020 watapika 20 hunu kullkimanmi kullkita paktarka, kunan watapak kullkita mañankapaka pawkar killakkamami paktan, kay mañayka pukllakkunapak mutsuyta, pukllak tantari illupankata rikushka kanka. Pukllay tantarikunaka ña rikuchishka killakama mañayta chayachinka.
Paymanta, Juan Francisco Díaz, Ministerio de Finanzas kamaywasi kachashka kamachik, mashna kullkita kallaripi kachanamanta willana kan, shinapash Servicio de Rentas Internas kamaywasimi mashna kullkita tukuchishkata willanata charin, Mamallakta kullkita mana churakpika, allikawsayta, yachayta, shuktak mutsuykunatapash mana hapinkachu.
Tawka pukllakkuna, imashinami Marizol Landázuri, Emilio Falla, Sebastián Carrasco kamachiy katishpa llankachun mañarka, chaywan Mamallaktapi pukllay kawsaytarpuyta churana nirka, kay kamachiywan Mamallaktapi, ista llaktakunapi kallpakuna pukllanka rimarka.
EG/cz/jc-kichwa
