Kay Biodiversidad Tantari ukuman, Alex Hurtado, Julia Landázuri, Circunscripción Territorial Especial Amazónica (CTEA) kamaywasita pushakkuna, paykunaka Consejo de la CTEA chay Fondo Común para el Fondo Indígena kullkimanta 10% kawsay llankayman kurka nishpa willarka.
Chay kullkilla, 2021 wata, pawkarkillamanta shukpaklla llankakwasikunamanta kullki pallana patakunata churana nirka.
Chay patakunapi shukpaklla llankakwasikuna kullkita churanka, chay kullkiwan Plan Integral Amazónico llankayta pushanka, chayka Antisuyu markakunapak runa ayllullaktakunaman chayanka.
Kamachikkunaka, runallaktakuman kullkiwan chayna llankayñanka 2018 watamanta kallarirka nishpa willarka, kay llankayñanta rurankapa ayllullaktakuna, tantarikuna, yachak runakuna, kamachikkuna, kiti kamachikkuna yaykurirka.
Chay Camelos, kamchikka sumakta yachak llankakkuna paykunapak mañashka llankayta mana paktachishkata willarka. Kunanka 19 llankayyuyarikunata rurankapa shuyakunchik nirka, chayta rikushpa Ikiam llankakwasika tawka tantarita runakunawan, llaktakunawan rurashkata rikischirka, kaytami hatun kamak kamachikkuna rikurka nishpa riksichirka.
Chayta rikushpa, Antonio Vargas, Confederación de Nacionalidades Indígenas tantarimanta kachashka, runakuna katukkunaman kullkita mana kushkamanta tantarikunata wanayta katikun nirka, shina llakikunata rikushpa Ikiam manushkamanta kullkita katukkunaman kuchun mañarka.
Ña rimankuyta tukuchinkapa Comisión de Biodiversidad tantarika, chay Ministro de Gobierno, Patricio Pazmiño kamachikta kayana nirka, payka Comisión Especial para el Control de la Minería Ilegal pushak kashkamanta llankaykunata allichinka willaykunata chayachichun mañarka, minkashka kamachiy killkakkuna chay San Lorenzo, Eloy Alfaro llaktaman llakikunata riksinkapa rinka nirka.
Rimankuyna patakuka: Xavier Casanova, Liliana Durán, Fredy Alarcón, Gabriela Larreátegui kamachiy kilkakkuna chay San Lorenzo, Eloy Alfaro llaktakunaman llakikunata rikuchun panchi killa 26 puncha, rikuchun, chaypi Ministro de Gobierno, Patricio Pazmiño kamachik chaypi kachun mañarka.
JLVN/jc-kichwa
