Kay Comisión de Gobiernos Autónomos tantari, Héctor Yépez Martínez kamachiy killkak pushashka, kayna puncha rimanakuyta charirka.
Chaypi Código Orgánico de Organización Territorial, Autonomía y Descentralización (Cootad) kamachiy ishkaykutin atinakuyman yaykurichun nikikunata atinakurka.
Kamachiy killkakakkuna 286 nikita ashtawan allichirka, kay nikika tukuy kamachikkuna, runakuna makita kushpa llankachunmi rikuchin, chaymanta Gobiernos Autónomos Descentralizados (GAD) kamaywasipura makita kushpa llankanata rikuchin.
Wakin GAD makita kushpa llankanata manba munashpaka anchurinata ushanka, chaypak rantin shuktak mushuk GAD kamaywasikuna yaykurichun mañarka.
Kay Ordenamiento Territorial, Uso y Gestión del Suelo (Lootugs) kamachiypak nikikunata allichishka kipaka, chay Planificación del Desarrollo y del Ordenamiento Territorial llankayñanta allichinata rimarkakuna. Kay nikita allichishpaka Superintendencia de Ordenamiento Territorial (SOT) ukuta anchuchinata rimarka.
Shinami Raúl Auquilla kamachiy killkakka, Superintendencia kamaywasita anchuchina nirka, imapa wiñarishkata mana paktachishkata rimarka, shinallatak Javier Cadena kamachik Superintendencia kamaywasi, chay GAD alli llankaykunata rurana nirka, shinapash Mónica Alemán kamachik, mana chay yuyaywan karka.
EA/cz/jc-kichwa
