Kay Policía Nacional, Sistema de Rehabilitación Social Hatun kamachikkuna Mamallakta Tantanakuyman rikurirka.
Paykunaka Guayaquil llaktapak, Latacunga llaktapak, Cuenca llaktapak wichkana wasikunapi, wanachishka runakuna shuwaykunata kichunakushpa makanakushpa wañushkakunamanta willarka.
Katika, Ministro de Gobierno, Patricio Pazmiño, kamachikka tukuy llaktakuna, runakuna makanakuy, wañuykuna ama tiyachun kayarka, kay llakikunata Mamallakta rikuchun mañarka.
Shuwakuna tantarishpami kay América Latina llaktakunata, Mamallaktata, ayllullaktakunata, runallaktakunata takan nirka.
Kay Ministro Pazmiño kamachikka, chay Ministerio de Gobierno y la Policía kamaywasika, llakitukushka runakunata allichinata makipi mana charinchu nirka. Kamaywasika kamachiykunawan chay llakita allichina ñanta hapishka rimarka, wanachishka runakunapak llakita mana takashkanchik nirka.
Chay Patricio Carrillo, Policía Nacional hatun kamachik, chaypak kamaywasi llankashkata riksichirka, Sistema de Atención del Adulto Infractor y del Adolescente llika mana alli llankashka, payllatak tawka watakunata llankamushka, chaymi “choneros” shuwakuna, Ecuador llaktapi shuwaykunata mirachishka nishpa willarka.
Kipaman, Edmundo Moncayo, Servicio Nacional de Atención Integral a Personas Adultas Privadas de la Libertad y a Adolescentes Infractores (SNAI) kamachik rimayta charirka, payka SNAI kamaywasipak sumakrurak kamachikmi kani nirka. Ñukaka, “hatun kamachik ukupi mana kani, mana hatun kamachi” kani nishpa riksichirka. Hatun killkak kashpa, apuchita kuna ushayta mana charini nirka.
Chapay llankayta pushankapa 2014 watapika, 160 hunu kullki tiyarka, 2019 watapika, 98 hunu dólares kullki tiyarka. Kunan, 2021 watapika, 8 hunu kullki mirarirka nishpa willarka, shinami ashalla kullki tiyan nirka.
Kay rimanakuyta tukuchinkapa, Moncayo kamachikka, wichkana wasikunpi kawsak runakunata allichinkapa sinchita llankana nirka, kunan punchakuna ashtawan wichkana wasipi wañuykunka, takaykuna rikurishkapa, chaytami allichina kan nirka. Paykuna rimashka kipa chaypi kak kamachiy killkakkuna kamachikkunaman tapuykunata churarka, chay tapuykuna tikrachishka karka.
MG/JV/SV/cz/jc-kichwa
