Kay Comisión de Gobiernos Autónomos tantari, kunan puncha rimanakuyta charirka, chaypi Vivienda de Interés Social Hatun Kamachiyta rimanakushpa katirka.
Manarak rimanakuyta kallarishpa Héctor Yépez Martínez kamachiy killkak, kayna Quito llaktapi, Asociación de Municipalidades Ecuatorianas (AME) pushakkuna, paykunapak hayñimanta kaparikpi chapakkuna llakichishkamanta llakirirka.
Chay llakikunata rikushpa, Alemán kamachiy killkak, Ministros de Gobierno kamachikta, Economía y Finanzas kamachikta Mamallakta Tantanakuyman kayana nirka, chaypi paykuna imamanta kitikunaman kullkita mana chayachishkata willanka rimarka.
Chaymanta kamachiy killkakkunaka, Vivienda de Interés Social kamachiyta kallaripi churashpa rimarka. Shinami Garantía de Vivienda Adecuada y Digna kamachiypak nikita ashtawankarin rimarka. Kay kamachiytaka Organización de las Naciones Unidas (ONU) tantari yuyayta churakpimi rimarka.
Kay kamachiyta allita killkankapa Miduvi, Ministerio de Economía y Finanzas (MEF) kamaywasimanta, Cooperativa de Ahorro y Crédito 29 de Octubre kullkiwasimanta, GAD Municipal de Cuenca kamaywasimanta, Wilma Andrade Kamachiy killkakmanta rikuykunata chaskirka, paykunka sapsi allpapi wasikunata ruranamanta rimarka.
EA/cz/jc-kichwa
