Mamallakta Tantanakuyta pushak, César Litardo Caicedo, Kamaywasipura yuyarika rimanakuna llankayta, yachayta kamaywasipura yuyarita killkarka.
Chayka llaktayta, yachayta sinchiyachinka. Shinami Primer Programa de Formación Parlamentaria pankata hapinkapa arinirka.
Chaymanta Instituto Ecuatoriano de Estudios Legislativos kamaywasiwan yuyarita killkarka.
Shinami Libia Rivas kamachik killkarka, shinami kamachiy killkakkunaman chayachinka, Derecho Parlamentario y Técnica Legislativa hawa ashtawan yachachinka, pushachinka.
Kay yuyarika, ishkanti kamaywasipura chay Derecho Parlamentario llankayta kamachiy killkakkunaman, kamachikkunaman, llaktakunman, runakunamana chayachinkapa yanpanka. Chaypimi Función Legislativa hawa achkata tapuykuna, tikrachikuna tiyanka. Kamachiyta killkana mushuk sumakruraykunata yachachinka.
Mamallakta Tantanakuyka, Acuerdo Legislativo al Instituto Ecuatoriano de Estudios Legislativos yuyari pankata, chay Instituto de Estudios Legislativos kamaywasipak makipi churarka, chaywan llakta ushayta Mamallaktapi sinchiyachinka, imashina kamachiyta killkashpa runakunawan atinakunata yachachinka, chay yachaykunata kamaywasikunaman, llakatakunaman chayachinka.
Paymanta, César Litardo, chay Instituto de Estudios Legislativos kamaywasi amawta yachayta riksichishkata riksichirka. Kallari hatun llankayka Función Legislativa hawa Mamallaktapak kamachikkunaman, yachakkunaman, yachakukkunaman, hatun yachanawasikunaman, chayachinami kanka, shinami llakta ushayta tukuyman yachachinka.
Kay yuyarita tukuchinkapa, César Litardo, Mamallakta Tantanakuyta pushak, chay Escuela Diplomática Parlamentaria yachanawasita wiñachishkata willarka, kamachiyta kamay ukupi pusharinka. Paypak yuyayka Yachakukkunata, Mamallakta Tantanakuypak mitachikuna Kamachiywan llakikunata allichinata yachanka nirka.
EA/cz/jc-kichwa
