Kay Comisión de Justicia tantari, José Serrano Salgado kamachiy killkak pushashka. Shamuk awaki puncha Defensoría Pública hatun Kamachiyta ishkayniki atinakuyman yaykurichun rimanakunka
Chaypak yallik killakunapi tawka kamachikkuna, yachakkuna, tantarikuna, kamaywasikuna rikuyta, yuyayta churararka.
Kayna puncha, minkashka rimanakuy pataku, 158 yupay tantaripi, Anival Morocho, Defensor Público kamachikpak yuyayta chaskirka, payka Saraguro kiti, Loja markamanta karka, Jorge Pincay runa, payka kamaywasi yanaparik karka.
Kay Anival Luis Morocho Andrade kamachik, kay Defensoría Pública hatun Kamachiyka 12 watamanta mana arinirishka, kaytami Mamallakta Tantanakuy manun nirka, yallichinalla nikitami Mamakamachiyka rikuchin, chaytami paktachina kan, chay nikimi rikuk kamaywasiman mana kimirin.
Kay Escuela Defensorial yachanawasimi Defensores Públicos kamachikkuna ashtawan yachashpa katichun minkashka kan, chay yachaykunaka tukuylla kullkita mana tukuchinkachu, yachaypak kullkitami charin, payllatak kullkita mashkan, mana kashpaka Hatun Yachana wasita yanapachun yuyayrita ruran.
Sumakruray yachaykunami llaktayukkunata paktakaywan yanapankapa may alli kan nirka. Punchanta mushulk yachaykunata hapinami kallaripi kana kan, chay yachaykunawanmi llaktayukkunata, wawakunata, yuyak runakunata, ayllullaktata, llaktata, imillakunata, wakllirishka runakunata yanapana usharinka nirka.
Tayta Jorge Luis Pincay Cabrera, Defensoría Pública kamaywasiman chayashka punchamantami kamachiywan alli yanapayta chaskirkani nirka. Chayta willankapami kaypi kani nirka. Shinami wakllirishka runakunata, kullkita mana charik runakunata achkata yanapan nishpa willarka.
MG/ea/jc-kichwa
