Mamallakta Tantanakuy Código Orgánico de Protección Integral de Niñas, Niños y Adolescentes kamachiypak yuyaykunata chaskirka.
Shinami mana kamachik tantarikunata, kamaywasikunamanta yachakkuna shamurka, paykuna yachaykunata, rikuykunata, yuyaykunata churarka.
Kaypimi Berenice Cordero, Inclusión Económica y Social yallik kamachik, Mamakamachiypak nikikunta hapishpa rimayta charirka.
Katipika Sistema Especializado de Justicia para el Adolescente Infractor hawa rimarka. Kay allichishka kamavhiy wawakunata, imillakunata, ayllukunata ukllak kamachiy kachun mañarka.
Paymanta, Joaquín González Alemán, Organización de Naciones Unidas para la Infancia (Unicef) en Ecuador kamaywasimanta shamuk, kay kari warmi wawakunaman, imillakunaman chayan kamachiyka may allimi kan, chaymanta paykunapak llakita, mutsuykunata allichun yanapanka, kamanka nirka. Ashtawan kamachun ista kamachiykunawan, shuktak allpapachapi yuyarishkakunawan kimirishpa llankachun mañarka.
Kipamanka, María Elena Maldonado, kamachiymanta yachak warmi, mama Para Christian Paula, Instituto de Igualdad de Género kamaywasimanta shamuk, tiya María Poema Carrión, Pacto por la Niñez y Adolescencia kamaywasimanta shamnuk, kipaman Efigenia Witt, Coalición contra el Abuso Sexual a la Niñez del Ecuador (Cocasen) shutipi rimarka. Paykunapash kari, warmi wawakunapak kamachiy tiyachun, paykunapak hayñita ukllachun mañarka.
Katipika: Claudia Riera y David Ojeda yachak, Código Orgánico de Protección Integral de Niñas, Niños y Adolescentes kamachiyta Mamallakta utkashpa arinichun mañarka, kutin Indira Urgilés Encalada, kamachiymanta yachak, Junta Cantonal de Protección de Derechos de Quito, Natasha Montero kamachik: wawakunapak, imillakunapak llakita tupuwan, uchillakamachiyta churashpa harkana, kamana nirka.
Ña tukuchinkapa Asociación de Municipalidades Ecuatorianas (AME) tantarita, Raúl Delgado pushak, kari, warmi wawakunapak kamachiy tiyachun, paykunapak hayñita ukllachun, wakllirishka ayllukunapi kawsak wawakunata kamachun, chapachun mañarka. Chaymi may mutsurik kan nirka. Kay yuyarikuna, kamachiykuna, llankaykuna imashina katikta sumak rurak pataku katina kan nirka.
EG/cz/jc-kichwa
