Kunan puncha, César Litardo Caicedo, Mamallakta Tantanakuyta pushak, Romo-Leroux de Mena, Elsa kullkiyachakman Dra. Matilde Hidalgo de Procel, al Mérito Social, Mamallaktapak shutipi achkata llankashkamanta warawata kurka, paypak churi Jorge Mena makipi millkachirka. .
Wañushka punchamanta shuk watapi, Mamallakta Tantanakuy, mama Elsa de Mena, Sistema Tributario Ecuatoriano hawa llankashkamanta, paymi Servicio de Rentas Internas (SRI) kamaywasita wiñachirka.
Shinallatak tukuylla alli kamayta, Municipio Metropolitano de Quito ukupipash tukuy llankachun wiñachirka.
Kay María de Lourdes Cuesta, Héctor Muñoz, Gabriela Larreátegui kamachiy killkakkunami imashina Elsa de Mena kawsashpa llankashkata willarka. “wakinkuna saruytami sakin, wakinkunaka: Elsa de Mena warmita ‘dama de hierro’ shutiwan riksirka, shuktak runakunata payka mana hamirka, tukuyta kuyarka”, Lourdes Cuesta rimarka.
Paymanta, Héctor Muñoz chay Servicio de Rentas Internas kamaywasipi Elsa de Mena llankashkata riksichirka, chaymanta 147 % patsakri kullkiman, SRI ukupi mirarishkata willarka, chaymanta, paypak churipak makipi yupaychayta churanchik nirka.
Tukuchinkapa, Jorge Mena, Mamallakta Tantanakuy kamarita chayachishkamanta shunkumanta yupaychayta sakirka, paypash, wawkikuna mamantin wiñashkata riksichirka, tukuylla kamaywasipi llankakkunata, tukuylla shutiwan riksina nirka. Sampayashka, kamachiywan mana chaypak tiyakpimi shuwaykuna tiyan nirka.
EG/cz/jc-kichwa
