Kay Comisión de Justicia y Estructura del Estado tantari, José Serrano Salgado pushashka, 8 apuchiwan kay Defensoría Pública kamachiy ishkaykutin atinakuypak ñami willayka 161 rimanakuypi allichirka, chayta Mamallakta Tantankuyman pushanka.
Kamachiy allichishka willaytaka Esteban Torres, Carlos Ortega kamachiy killkakkuna allichishpa killkashpa chayachirka.
Kay Defensoría kamachiyka wakcha runakunaman, urmashka runakunaman, ashalla kullkita charik runakunaman alli kawsachun yanapanka.
Tayta José Serrano kamachiy killkak, kay Defensoría kamachiyka Mamakamachiy llankay kallarishka watamanta, mana allichirishka kawsashka, ishkay watatami atinakushpa kawsamushka kan nirka. Kay atinakuypika tukuylla kamaywasikuna, yachakkuna, hatun yachanawasita pushakkuna yuyayta churashka, rikuyta churashkami kan nirka.
Kay kamachiyka: I, Hatun nikikunata; II, Ukllana Kallarita; III, kay Servicios de Asesoría, Asistencia Legal y Patrocinio Judicial kallarita; IV, Complementaria a la Defensa Jurídica Pública llikata charin. Ishakay Hatun Churashkakunata charin; pichka Mushuk Churashkakunata, Pichana Churashkakunata charin; shuk Yallichina churashkata, Tukuri Churashkata charin.
Kay allichishka Defensoría Pública kamachiyka wakcha runakuna, urmashka runakuna, ashalla kullkita charik runakuna, llapishka runakuna paykunapak hayñiwan rimayta charichun, paykuna munashkata willachun yanapanka. Kay Red Complementaria llankay hatunyashpa mirarichun yanapanka. Chaymanta allichirishpa tukurinkakama allita yachakkuna yuyayta churashpa allichinka.
Runakunaman, llaktayukkunaman kamachiy hillaykunata chayachichun yanapanka, chaywan paykunapak kawsayta ukllanka, kamanka. Kay Defensoría Pública kamaywasika, chay Escuela Defensorial yachayta charinka, chaywan kamachiy yachakkunaman, kamachikkunaman imashina kamachiywan llankanata yachachinka.
MG/cz/jc-kichwa
