Kay Régimen Económico tantari, Franco Romero Loayza kamachiy killkak pushashka, Código Orgánico Monetario y Financiero para la Defensa de la Dolarización kamachiyta ishkayniki atinakuypak arinirka.
Kay kamachiyka dólar kullki katichun yanapanka, Junta de Regularización de Política Monetaria tantari, Banco Central del Ecuador kullkiwasiwan kamachiy paktachun pushanka nirka.
Kamachiy killkak Ana Belén Marín, chay Banco Central hatun kullkiwasi, wasipi yanapana kullkita ama chinkachichun mañarka, chay kullkita urayachikpika kapukyachinkapa, wasita rurankapa, Mamallaktapi shuktak llankaykunata rurankapa mañachina kullki ashayanka nirka.
Kay Hermuy Calle kamachiy killkak, kunanpi Junta de Política y Regulación Monetaria y Financiera tantari llankakta rikuchirka, kay kamachiyta allichishpa, Mamallakta Pushak chay hatun kullkiwasita rikuchun mana sakin, mushuk Junta de Regulación Financiera tantari, runakunapak kawsaykamayta rikuchun ñanta pashkanka nirka.
Kaymanta katishpa, Gabriela Larreátegui kamachiy killkak, kay allichirina kamachiyka Mamakamachiypak ukupi kan nirka, shinami Banco Central del Ecuador kullkiwasita payllatak pushachun ñanta paskan nirka, Mamallaktapak awllikuna llankaykunatapash chikanyachishpa pushanka nirka.
Shinallatak: Pinuccia Colamarco kamachiy killkak, Contraloría General del Estado kamaywasi rikunka nirka, Patricio Donoso kamachiy killkak, Luis Pachala kamachiy killkak, Lira Villalva kamachiy killkak, Franco Romero Loayza kamachiy killkak, paykunapak rikuykunata churarka, shina dólar kullki ama chinkarichun kay mushuk allichishka kamachiy yanapanka nirka.
EG/cz/jc-kichwa
