Mamallakta Tantanakuy, César Litardo Caicedo, pushashka, 21 puncha, rimanakuyta charinka, 14h00 sayllata kallarinka, chaypi pichka iñuta rimanka.
Chayka: Universidad Bolivariana kamachiyta, Código Monetario y Financiero kamachiyta, Extinción de Dominio Kamachiyta, Código Civil en Materia de Regulación Martítima kamachiyta, Personal y Disciplina de las Fuerzas Armadas kamachiyta atinakunka.
Kay Creación de la Universidad Bolivariana del Ecuador kamachiyta, Comisión de Educación tantarita rimanakunka, kay kamaywasika hatun yachanawasi imashina llankanamanta rimanka, Mamakamachiywan kimirishkata, Educación Superior Hatun kamachiywan kimirishkata rikunka.
Shinallatak Régimen Económico tantari, allichishkata Reformatoria al Código Orgánico Monetario y Financiero para la Defensa de la Dolarización Hatun Kamachiyta rimarka.
Kay kamachiyka, Banco Central del Ecuador kullkiwasita, Junta de Política y Regulación Financiera tantari hawa rimarka, kay kamachiyka, dólar kullki ama chinkarichun, unipak Mamallaktapak kullki kachun yanapanka.
Mamallakta Tantanakuy, chay Extinción de Dominio Kamachiyta chaskirka, kaytaka Mamallakta Pushak kachashkami karka, Participación Ciudadana y Control Social llankashkami karka. Shinallatak Código Civil en Materia de Regulación Marítima en Concordancia con la Convemar kamachiyta atinakunka, kay kamachiyta atinakunka, Comisión de Justicia tantari allichishkami kan.
Tukuchinkapa kay Personal y Disciplina de Fuerzas Armadas kamachiyta atinakunka, kay kamachiytaka Comisión de Relaciones Internacionales tantari allichishkami kan, kay kamachiyka awka kamachik kanata yachak runakuna llankakman yaykurinatami yanpanka. Kay Fuerzas Armadas kamachiywan kimirik, Ecuador Mamallaktapak Mamakamachiypak nikikunawan kimirishkami kan.
JLVN/cz/jc-kichwa
