Kay chishi, Derecho a la Salud tantari, William Garzón Ricaurte kamachiy killkak pushashka, kay Deporte, la Educación Física y la Recreación kamachiyta ishkaykutin atinakuypak allichishkata charin, chaymanta 11 mushuk yuyaykunata allichin.
Tawkakutin atinakushpa; kimsa apuchi harkaywan, ishkay apuchi takariwan shuk hatun yuyarita surkurka.
shina sakirishkamanta, tantarita pushak Garzón kamachiy killkakpaka yuyaypika Mamallakta Tantanakuy hunta rimanakushpa arinichun, mana nichunpash nishpa yuyayta churarka.
Kay kamachiyka ukun kuyurita, yachayta, pukllayta, samarinata, riksishpa purinamanta, shuktak wawakuna, kari warmi runakuna, imillakuna, tukuy mashna yachachun yanapanka. Kay tukuy yachaykunawan paykunapak kawsay, llankaykuna, tantarikuna, rimanakunka allichirinka.
Kay kamachiyta allichinkapa minkashka kamachiy killkakkunaka 30 rimanakuyta charirka, chaypimi kamachiyta nikikunta katishpa allichirka, chaywanmi tukuylla kamaywasipi llankakkuna, shukpaklla kamaywasikuna pukllaykunata, tantarikunata, pukllakpunata pukllanata ushanka, shinami llaktapura, markapura, Mamallakta pura tantarinata charinka.
Imakaypash tantarita kipapushak, Michell Doumet kamachiy killkak mana yanapashpa, takarishpa apuchirka, Sebastián Palacios kamachiy killkak shinallatak mana alli kakta rikushpa, mana yanapashpa takari apuchita churarka, chaymanta kamachiypaka nikikunaka ashtawan allichina nirkurirka.
Arinishka apuchikunataka, Patricia Henríquez kamachiy killkak, Manuel Ochoa kamachiy killkak, Guadalupe Salazar kamachiy killkak, Ángel Sinmamelza kamachiy killkak, Carlos Vera kamachiy killkak, Rosa Verdezoto kamachiy killkak, William Garzón kamachiy killkak churarka. Nancy Guamba kamachiy killkak, José Agualsaca kamachiy killkak, Wendy Vera kamachiy killkak apuchirka.
RSA/cz/jc-kichwa
