Mamallakta Tantanakuy 119 apuchiwan chay Régimen Tributario Interno kamachiyta tantarishka kamachiy killkakkuna arinirka.
Kay kamachiyta Comisión de Régimen Económico tantari kamachiy killkak yuyayta churaykunawan allichirka.
Kay rimanakuy katipika kamachiy killkakkunaka, chay GAD kamaywasikunaman paykunapak kuna kullkita chayachichun mañarka, chaytami Mamakamachiypak 271 nikipi riman nirka, kay kullkiwan llaktakunaman ñankunata, wasikunata, yaku larkata ruranka nirka.
Chaymanta, ñukanchikpak kullki kashkamanta Hatun Kamachikta kamachiypi rikushpa chayachinata charin nirka. Kay kamachiywan GAD kamaywasikuna kullkita charinka, kipaman llaktakunaman paykuna mutsushka llankaykunata ruranka nirka.
Shuktak kamachiy killkakkuna Mamallaktapak wakin ayllullaktakuna wakchayashkata rikushpaka, Hatun Kamachik ña kullkita chayachichun mañarka. Kay manu 1050 hunu kullkita, 200 punchapi mana chayachishkata riksichirka.
Kay rimanakuyta tukuchinkapa, Régimen Económico Tantari, Franco Romero kamachiy killkak pushashka, Régimen Tributario Interno kamachiy imashina llankanata kuskachirka, kay kamachiyka markakunapi mutsuykuna tiyashkata yanapanka, kay washa mushuk kamachiyta sinchiyachirka.
SV/cz/jc-kichwa