Kunan tutamanta Gobiernos Autónomos tantarita pushak, kamachiy killkakkunata kayarka, chaypi Código Orgánico de Organización Territorial Autonomía y Descentralización (Cootad) kamachiyta atinakurka,.
Chaymanta César Litardo Caicedo, Mamallakta Tantakuyta pushak kamachiyta allichinamanta tukuykunamanta achiklla rimarka.
Kay rimanakuyman kamachikkuna chayarka, paykunaka, markunapi mana kari warmi kamachikkuna llankankapa yaykurin nirka, paykuna llankanata mana alli pushan nishpa riksichirka kay kamachiyta allichishpa kari warmi ishkantinmanta llankachun shuyanchik nirka, kariwarmi waktanamanta anchunchinka nirka.
Kay rimanakuypika, Jhoa Chong-Qui, Los Ríos markata kipakamachik, kay kamachiypak 50 nikipi, sapan kamachik, marka kipakamachik ima llankayta ruranata rikuchichun mañarka, kaytami chay Consejo Provincial marka kamchikman riksichinata kachun killkan kan nirka.
Kay COOTAD kamachiypak 52 nikipika, kari warmi marka kipapushak tukunata, imatalla awllinata rikuchichun mañarka, llankana kullkita kamak kamachikwan kimirishpa llankachun mañarka, chaypimi punchanta imatalla llankanata rikuchinka nirka, Gobiernos Autónomos (GAD) kamachikkuna kay rikuchishkata katishpa llankanka nirka.
Shuktak manyamanta rikushpa, tantariman yaykurishka kamachiy killkakkuna Vivienda de Interés Social kamachiypak willayta killkashkata rikuchirka, chaymanta Diego García kamachiy killkak hatun hunta rimanakuypi rikuchichun churarka, chaymanta minkashkakuna kamuta killkamushkamanta yuyapacharka.
EA/jc-kichwa
