Kay Justicia y Estructura del Estado tantarita pushak, José Serrano Salgado kamachiy killkak, shamuk hunkapak kay Reformatoria del Código Orgánico Integral Penal Hatun kamachiyta allichirka.
Kipaka, Integral para Prevenir y Erradicar la Violencia Contra las Mujeres Hatun Kamachiyta, Prevenir y Sancionar la Violencia Sexual Digital Hatun kamachiyta ishkaykutin atinakunkapa allichina nirka.
Shinallatak Oswaldo Darío García Macías, Guayaquil kitipi huchata charishkata kunkarinata atinakuna hawa killkakunata allichisha charina nirka.
Kay atinakuykunata manarak kallarikpi Virginia Gómez de la Torre, Fundación Desafío Coalición Nacional de Mujeres del Ecuador kamaywasita pushak, shinallatak Ana Vera Sánchez, Ejecutiva del Centro de Apoyo y Protección de los Derechos Humanos “Surkuna” kamaywasita pushak rimayta charirka, paykunaka llakita charik wawakunata, warmikunata, imillakunata yanapanamanta riksichirka.
Kay Virginia Gómez mamaka, hatun unkuy purikuy killkakunapi warmikunata takayka ashtawanmi mirirka nishpa willarka. Kay 2020 watapika, llakirishka 3 warmi wawamanta, 390 warmi wawakaman llaki chayarka nishpa rimar.
Paykunaka 10 watayukmanta, 14 watayukkama llakita charirka nishpa willarka, warmikuna, warmi wamrakuna, warmi imillakuna llakichishpa chichuchishka kashpa shullukpi, wichkanawasiman ama kachachun mañan.
Paymanta, Ana Vera Sánchez, yachakka zirma willayta katishpa llakikuna ashtawan rikurishka nirka. Chay takay llakikuna kayViolencia Contra las Mujeres Kamachiypi killkarichun mañarka. Achka warmikunata, warmi wawakunata, imillakunata llakichikta, achka runata wañuchikta riksina kachun Kamachiypi killkana nirka.
Shinami kay Justicia y Estructura del Estado tantari, Fernando Alvarado kamachikta kayarka, payka Centro de Privación de Libertad Masculino Zona 8 Regional Guayas 4, Ministerio de Salud Pública (MSP) kamaywasita rikukmi kan. Shinallatak Jessica Suárez hampikta kayarka, payka Pascuales 2 del MSP kamaywasipi hampikmi kan, paymi Oswaldo Darío García Macías alli kashka, unkushka kashkata rikuchinka nirka, chaymanta huchata kunkarishpa arininka nirka.
JLVN/ea/jc-kichwa
