Kay Comisión de Justicia y Estructura del Estado tantari, José Serrano Salgado kamachiy killkak, kunan, 26 punchapi willayta arinirka.
Shinami, runakashkamanta huchata kunkarinamanta arinirka, chayka Oswaldo Darío García Macías huchayukta yanapanka, payka 76% patsakri tisiku unkuytami charin.
Kipaman kamachiy killkakkuna 45 panka killkashkata uyarka, chaymanta hampina willayta, Servicio Nacional de Arención Integral a Personas Dultas Privadas de Libertad y Adolescentes Infractores (SNAI) kamachiy allichita willayta yaykuchinka, shinallatak Oswaldo García yachak willashkatapash killkachinka.
Kay Función Legislativa Hatun Kamachiypak 96 nikipi rimashkata hapishpa, Mamallakta Tantanakuyta pushak, ishkay punchapi, hatun killkakmanta willayta churarka, chaymanta Mamallakta Tantanakuyta pushak, kamachiy killkakkuna rimana iñukunapi willayta churanka.
Kay kamachiyka 98 nikikunata charin, chaytami Minkashka Tantariman yaykurishka kamachiy killkakkuna riksinka, chaymanta Mamallakta Tantanakuy hatun rimanakuypi allichishka nikikunata arininka, mana ninkapash kanka. Kamachiy ña killkarishka kakpika Kamachiy Kipukman kachanka. Huchata kunkarinka kamachiy killkakkunapák 91 apuchiwan arinishka kanka.
Kay Comisión de Justicia tantari, José Serrano kamachiy killkak pushashka, kay kamachiyta allishpa llankakkunata achkata yupaycharka, chaymanta Mamallakta Tantanakuyman yaykurishka kamachiy killkakkuna chay runakashkamanta huchata kunkarimanta arininka nirka.
EG/ea/jc-kichwa