Mamallakta Tantanakuypak ukupi llankak, Comisión de Educación tantari llankamushka willayta hapishpa kamachiy killkakuna 117 apuchiwan Universidad Bolivariana del Ecuador (UBE) sumakyachanawasi wiñachun arinirka, shinami César Litardo Caicedo willarka.
Chaypak Manuel Roberto, Segunda Elena Tolozano Benites killkashkapi tiksirirka.
Chaymanta Consejo de Educación Superior (CES) kamachik, Consejo de Aseguramiento de la Calidad de la Educación Superior (Caces) kamachik, Secretaría Técnica de Planificación kamachik alli rikuykunata churarka, Mamakamachiywan, Educación Superior (LOES) kamachiywan mana takarirka.
Kay killkashka pankakuna Universidad Bolivariana wiñarichun ñanta kurka, kay hatun yachanawasika pakta runakunata allita yachachina, yuyaykunata allita wallpana yuyaytami rikuchin, amawta yachaykunata hapinkapa taripaykunata rurana, yuyaysapa runakuna kachun yachachinata yanapanka.
Kay hatun yachanawasika Guayas markapak Durán kitipi shayarinka, kay llaktapimi achka runakuna kawsan rimarka, tiksi mitachikuna, achka yachanawasikuna tiyan, achka llankakwasikuna tiyan nirka. Shinapash runakunata sumakta yachachina, sumakruraypi yachachina illashka nishpa riksichirka, chaymanta llankakwasikuna alli kapukyachichun, shuktak llankakwasikuna mirarichun illashka nirka.
Kay Hatun yachanawasika: Enfermería yachayta; Terapia Física y Rehabilitación yachayta; Auditoría y Control de Gestión yachayta; Seguridad y Salud Ocupacional yachayta; Odontología e ingeniería en Biomedicina yachayta kunka nishpa riksichirka.
Chayta rikushpa, uyashpa Manuel Ochoa kamachiy killkak, tukuy hatun yachanawasikuna wiñarichun paktami kana nirka, chaymanta Universidad Pública para Santo Domingo de los Tsáchilas llaktaman wiñarichun mañarka, Ángel Gende kamachiy killkak, Lenín Moreno Mamallakta Pushak wiñachishun nirka, chayta mana paktachirka nishpa willarka.
Tukuchinkapa Fredy Alarcón kamachiy killkak, llaktakunaman hatunyachayta kuna nishka kipa, Santo Domingo llaktaman, Amazonía llaktaman, Galápagos llaktaman sumak yachanawasikunata churana nirka, chaymi tarpuk llaktakuna, sumakrurak llaktakuna hatunyanka nirka.
MG/ea/jc-kichwa
