Mamallakta Tantanakuy kunan puncha Economía Circular Inclusiva kamachiyta ishkaykutin atinakunka.
Chaypak 15h00 sayllata kamachiy killkakkuna rimanakuyta kallarinka, kay kamachiytaka Comisión de Desarrollo Económico tantari allichishkami kan.
Kay kamachiyka unipak llankaykunata wiñachinka, llaktakunapi runakuna, ayllullaktakuna, kitikuna, shulkakuna kullkita charichun mirachinka.
Shinalltak kapukyaykuna mirarichun llankakwasikunata kullkiwan yanapanka, shitashka kupakuna kutintak mawkayachinaman yaykurichun llankakwasikunaman kachanka, chaypimi mushuk kapukkuna tutunka.
Kay Kamachiyka puchukuna, pampapi shitashka allinku pankakuna, sinchikupakuna, paya antakuna pachamamata ama mapayachichun harkanka. Wakin shitashka nipakunata hapishpa kutintak allichishpa mawkayachinkapa llankakwasikunata mirachichun achkata yanapanka.
Kay munaykunawan paktankapaka mitachik wasikunapi, charimushkata kamak wasikunapi llankakkuna mawkayachishka nipakunata tantak runakuna, shuk tachupi churashpa kapukyachik wasikunaman kachachun mañanka. Kay samita llankak runakuna, llankakwasikuna kupata tantashka punchakamanta imashina kay yachayta charichun riksichinka.
JLVN/cz/jc-kichwa
