Kay Consejo de Administración Legislativa (CAL) tantari, kay puncha tukuri rimanankuyta charirka.
Kay Código Orgánico Integral Agropecuario kamachiyta allichichun arinirka, hawalla hucha kakpi kishpiychinkapa rimarka.
Shinallatak Electoral y de Organizaciones Políticas de la Republica del Ecuador Código de la Democracia hatun kamachiyta allichina nirka.
Shinallatak kanchis apuchiwan, CAL Código Orgánico Integral Agropecuario (COIAP) kamachiyta arinirka. Kay kamachiytaka César Litardo Caicedo Mamallakta Tantankuy pushak churashkami karka, Comisión de Soberanía Alimentaria tantari allichishka karka.
Kay Código Orgánico Integral Agropecuario kamachiyka llankaykunata, kapukyayta, paktapakta ruraykunata wiñachinkapa achkata yanapanka. Chay llankaykunapi achka runakuna llankayman yaykurichun punkuta paskanka. Llaktakunapi achka mikuna, awki mikuna unipak tiyachun runakunata, muyukunata tarpuchun warmikunaman, karikunaman yachachinka.
Chay Ezequiel Alfredo Ibarvo Arias runa, hawalla huchata charikta rikushpa chay huchata kunkarinamanta rimarka, shinapash mana ñalla paktachina kanchu nirka, chaytaka Comisión de Justicia y Estructura del Estado tantarimi ashtawankarin rikunata charin, chaymanmta hatun pushak chaskirka..
Rimankuyta tukuchinkapaka CAL tantarika, Organizaciones Políticas de la República del Ecuador Código de la Democracia kamachiyta riksichirka, chaymanta. Libia Rivas kamachiy killkak churashkami kan, kay kamachiytami Mamallakta Tantanakuy hunta tiyarishpa rimanakunka.
CZ/jc-kichwa
