Shinami kay Universidad Nacional de la Educación (UNAE) hatun yachanawasita pushak, Rebeca Castellanos kamachik, sapan killakuna myuntinta yachachishpa katina, yachashka pankata charichina nirka. Shina yachachikkuna paykunapak llankayta mana chinkanka nirka.
Kay rimanakuypika Secretaria Técnica de la Circunscripción Territorial Amazónica, Julia Landázuri kamachik karka, payka Comisión de Participación Ciudadana kamachiy killkakkuna llankashkata riksirka, chaypi yachayta rikuk kamachikkuna llankashkata riksirka.
Kay Rebeca Castellanos yachay kamachikka, aymuray 5 punchamanta kallari hatun yachaypak shutita hapishkata riksichirka. Shinallatak aymuray 15 punchamanta karumanta yachay kallarinka nishpa willarka. Yallik watakuna yachaypi llakikuna tiyashkatapash riksichirka, llankayta rikuk kamachik katin nirka.
Mama Wilma Calvopiña, yachakukkunapak shutipi, kay yachaykuna ishkaykutin samarirka nishpa rikisichirka, yachakukkunapak hayñita mana paktachirka, 408 yachachikkuna yachanaka manarak shutita hapishka nirka, paykuna pakllamanta shamuk yachachikkunami kan, willarka.
Kay rimankuyta tukuchinkapa yachachinkapa arinishka yachanawasikuna mana paktachishkata willarka, ashtawankarin Antisuyumanta shamuk yachachikkunami llalkita charin nirka. Shuktak yachakukkunawan mana paktapakta yachanchu, chaymanta yachaypankata hapinka llakita charin nirka.
PV/ea/jc-kichwa
