Kunan, aymuray killa, 15 puncha chishiman, 71 apuchiwan, 15 apuchi mana niwan, 51 shuyaywan Guadalupe Llori, Mamallakta Tantanakuyta pushak tukuchun akllarkla.
Chayka 2021 watamanta, aymuray killa, 14 puncha 2023 watakama pushanka, payka Movimiento Plurinacional Pachakutik (PK) llaktay tantarimanta shamurka.
Mama, Pierina Correa Delgado, kamachiyta arinichishpa llankaypi tiyachishka kipa, Antisuyu, Orellana markamanta shamuni nishpa riksichirka.
Kipaman Ecuador llaktapak punkara tiyan nirka, kuychipi killparishpa llankarkani, chay unanchakunaka mushuk munaymi nishanin nirka.
Mama, Llori kamachiy killkakta, Mario Ruiz kamachiy killkak shutita kurka, payka Mamallakta Tantanakuyta pushak tukuchun shutita kurka, paywan Mamallakta Tantanakuy llaktakunapak ñawipi alli rikurichun nirka.
Shinallatak, hampimanta, kullkimanta, runakunapak llakimanta, llankaymanta, tantarimanta, Mamallakta Tantanakuyta allichinamanta, mushuk kamachiykuna killkanamanta rimashpaka, runakunaman, llaktakunaman paykuna mañashkata tikrachishun mañarka, mushuk Mamallakta pushakwan makita kushpa llankashun nishpa paypak yuyayta riksichirka.
Kamachik, Guadalupe Llori pushakwan, Mamallakta Tantakuyta chusku warnimi pushanka, Guadalupe Llori ishkay watata pushanka. Yallik pachapika Mamallatapak kimsa kamachik ukupi, huchakunata rikuk kamachikkunawan llankak karka. Kay 2000 watamanta Puerto Francisco de Orellana, Orellana markapi Kitipushak kashka llankarka.
Payka movimiento Pachakutik llaktay tanrariman kimirishka kanka. Paypak llankayka llaktakunaman, runakunaman hampikunata chayachishpa llankarka. Chusku wata kipaka marka kamachik tukuchun akllarka. Kipaman ishkay mitakama akllashka karka.
EG/cz/jc- kichwa
