Mamallakta Tantakuyta pushak, Guadalupe Llori Abarca shuktak kamachikkunawan makita kushpa llankanamanta willana hillaykunapi, kallari rimaypi willarka.
Mamallakta imashina kawsakukta rikuna kanchik nirka, chaymanta kamachikkuna yanaparishpa llankana kanchik nirka.
Chikan llaktay tantarikunapak kamachiy killkakkunawan tantarishpa kallari 100 puncha llankaypak, chusku watapakpash katikillata ruranamanta willarka, chaymanta, chay ñanta katina kanchik, nishpa willarka.
Mamallakta Tantakuyta pushak, CREO llaktay tantari, apuchiwan Movimiento Pachakutik llaktay tantari yanapashkamanta, Mamallakta Tantakuywan, Mamallakta pushakwan makita kushpa llankanata rikuchin nirka.
Mamallaktapi llankaykuna mirarichun makita kushpa markakunapi, kitikunapi, shulkakunapi, ayllullakunaktapi, suyukunapi llankana kan nirka.
Kay Comisión de la Verdad tantari hawa, tukuy mañaykuna chayakpika, Mamallakta Tantakuypak alli kakta rikushpa, Mamallaktata yanapanata rikushpa arinishun nispa rimaywan shayarirka. Paktay ukuman mayhanpash makita mana churana kachun nishpa paypak yuyayta riksichirka, chay kamaywasika chikanmi kana kan nirka.
Kamachik, Guadalupe Llori, chay Fernando Villavicencio yallik kamachik huchata charishkamanta llaktay wanachiyta katina nirka, shinallatak Defensor del Pueblo llaktay, shinallatak Consejo Nacional Electoral kamachikta, Tribunal Contencioso Electoral kamachikta huchata charishkamanta llaktay wanachita ruranka.
Mamallakta Tantakuyta pushak, rimanakuyta wichkankapa, chikan chikan llaktay tantarikunawan makita kushpa llankashun nirka, paykunawan yuyarishpa kaya puncha 15 minkashkakunata akllanka, shinallatak Comité de Ética kamachikkunata churanka. Paykunawan makita kushpa llankanka.
RSA/cz/jc-kicha
