Mamallakta Tantanakuyta pushak, Guadalupe Llori Abarca, 709 yupay rimanakuyman kamachiy killkakkunata kayarka.
Chaypimi Anti Kamachiy Killkakkunata kaya chilla, 19 puncha llankaypi tiyachinka. Kay rimanakuyka 11h00 sayllata kallarinka, shuktak kamachiy killkakkunapash shamunka.
Kay Anti Kamachiy Killkakkuna kunan 2021 watamanta, 2025 watakama llankanka, chayka pichka watami kan.
Shinapashn kutin akllarinata ushanka. Kunan mitapak akllarishkakunaka: Verónica Arias, Virgilio Hernández, de Centro Democrático llaktay tantarimanta kan; Miriam Liduvina, Pachakutik llaktay tantarimanta kan; Paúl Desamblanc, Izquierda Democrática llaktay tantarimanta kan; Cristina Reyes, Partido Social Cristiano llaktay tantarimanta kan.
Sarun panchi killa, 7 punchapi akllaypika pichka Kipa Anti Kamachiy Killkakkunata akllarka, paykunapash pichka watakama llankanka. Llaktakunamanta, Mamallaktakunamanta yuyaykunata hapishpa llankanka.
Kay Parlamento Andino tantarika Mamallakakunatapak hawapimi kan, hatun llakta ushayta charin, chayman yaykurinkapaka llaktakunami alli runakunata rikushpa akllan. Paykunapak llankayka. Suyupak kamachiykuna tinkuchina llankaymi kan, runakuna, llaktakuna rimanakuypi kachun. Puna Mamallaktakuna tantariman yaykurichun, paykuna kikinkayta sinchiyachun, Anti kawsaytarpuyta charichun sinchita llankanka.
Kay Parlamento Andino tantarika Ecuador, Perú, Chile, Colombia, Bolivia Mamallaktakuna tinkurishkami kan, sapan Mamallaktami kamachiykunata charin, chaytami chimpapurashpa killkakatinkuna, alli kamachiykuna kakpika kikin llaktaman yaykuchin.
SV/cz/jc-kichwa
