Kay Extinción de Dominio Hatun Kamachiy; Defensoría Pública Hatun Kamachiyta arinirka.
Shinallatak, Creación de la Universidad Bolivariana del Ecuador Kamachiy, Kamachiy Kipupi killkachishka karka, chaymanta ña llankakun.
Kay Extinción de Dominio kamachiyka, kay Ecuador Mamallaktamanta, ista Mamallaktamanta mana kamachiywan charimushkakunata nikinka, chay charimushkakunatami Mamallaktaman chayachinka.
Shuktak manyamantaka Paraíso Fiscal wasipi charishkakunata, kullkikunata ñukanchik Mamallaktaman chayachimunkapa yanapanka. Shinallatak kay Mamallaktamanta shuktak llaktakunaman surkushpa chaypi charishkkuna, Mamallaktapak tiyashkakunata shukpaklla makipi tiyakkuna, tukuykunaman kachun tikrachimunata rikuchinka.
Kay Defensoría Pública Kamachiyka Defensoría Pública kamaywasipak, Red Complementaria a la Defensa Jurídica Pública llikata allichinkapami kan, Consultorios Jurídicos Gratuitos de las Universidades kamachiywan yanapak ukukunata Mamakamachiy imashina rimashkata rikushpa allichinkapa yanapanka. Kay yanapaytaka ashalla kullkita charik, ashalla yachayta charik runakunami hapinka.
Shinallatak Defensores Públicos Kamachikpak llankayta, mushuk ukllak kamachikkunata Escuela Defensorial yachana ukukunapi yachachun yanapanka, paykuna llankayñanta, yachana wachukuna ruranata yapanka. Yachaykunata karumanta, chimpapura tiyarishpa, ñawipura rikurishpa yachanka, shina sumak yachaykunata, sumakruray yachaykunata hapinka.
Kay Universidad Bolivariana del Ecuador Sumakyachanawasika shukpaklla makipi llankanka, shinapash mana achka kullkita yachakukkunamanta hapinka. Kay yachawasika kikinllaktak yachayta pushanka, payllatak kullkita mashkanka. Kamachikkunata, yachachikkunata, kamak kamachikkunata Mamakamachiy rimashkawan, Educación Superior Kamachiy rimashkawan churanka.
Mamawasika Durán kiti, Guayas markapi sakirin. Consejo de Educación Superior tantari, Educación Superior kamachiy churashka ushaykunawan, shuktak markakunapi rikra yachanawasikunata churanka. Shinapash mashna yachakukkuna, runakuna, kamaywasikuna mañashkata katinka.
JLVN/cz/jc-kichwa
