Mamallakta Tantanakuy kunan puncha Anti Kamachiy Killkakkuna llankaypi tiyarirka, paykunaka Kay Anti Kamachiy Killkakkuna kunan 2021 watamanta, 2025 watakama llankanka.
Kunan mitapak akllarishkakunaka: Verónica Arias, Virgilio Hernández, de Centro Democrático llaktay tantarimanta llankaypi tiyachuirka.
Katipika Miriam Liduvina, Pachakutik llaktay tantarimanta kan; Paúl Desamblanc, Izquierda Democrática llaktay tantarimanta kan; Cristina Reyes, Partido Social Cristiano llaktay tantarimanta kan.
Shinallatak Jorge Rojas, Juan Pablo Mera, María Elisa Ordóñez, Larry Yumibanda, Aracelly Cevallos kamachuy killkakuna; Walter Jaramillo, Ana María Lomas, Yolanda Tipán, Gabriela Torres , Carlos Muñoz kipapushak kamachikuna tukushpa llankaypi tiyarirka.
Pichka, mushuk Parlamento Andino hatun llakta ushayta charin, paykunapak llankayka. Suyupak kamachiykuna tinkuchina llankaymi kan, runakuna, llaktakuna rimanakuypi kachun. Puna Mamallaktakuna tantariman yaykurichun, paykuna kikinkayta sinchiyachun, Anti kawsaytarpuyta charichun sinchita llankanka.
Kay Parlamento Andino tantarika Ecuador, Perú, Chile, Colombia, Bolivia Mamallaktakuna tinkurishkami kan, sapan Mamallaktami kamachiykunata charin, chaytami chimpapurashpa killkakatinkuna, alli kamachiykuna kakpika kikin llaktaman yaykuchin.
Kay Anti kamachiyn killkakunaka, kun 19 puncha, aymuray killa, Mamallakata Tantanakuypak 709 yupay tantaripi llankayman tiyarirka, Anti Mamallaktakunawan paykunapak kamachiykunata riksishpa, paktachishpa awllinata charin.
RSA/cz/jc-kichwa
