Mamallakta Tantanakuyta pushak, Guadalupe Llori Abarca, llankankapa COE Nacional, Juan Zapata kamachikwan rimanakuyta charirka.
Chaypimi Mamallakta Tantankuypak wasipi rimanakushpa katichun, kamachiy killkakkuna llankankapa chayachun arinirka.
Mamallakta Tantanakuyta pushak, pay rimanakushpa, Mamallakta Tantanauyman tikramunata kamachiy killkakkunapak mañaymi kan nirka.
Chimpapura tiyashpa, rimanakushpa, yuyarishpa, arinishpa llankanami may sumak kan nirka. Chaymi Mamallakta Tantakuypak llankayta tukuykuna iñin nirka.
Kay rimaykunata uyashpa, COE Nacional kamachik, Mamallakta Tantakuypi llankachun arinirka. Kay Juan Zapata kamachikka, hatun unkuymanta mitsarishpa, allinta killparishpa, shimillita churashpa, karuyanakushpa, tilliwan kakurishpa, PCR mallita rurashpa llankachun mañarka.
Paymanta, Guadalupe Llori, Mamallakta Tantakuymi kallari ñawipura tiyarishpa llankakrin nirka. Shinallatakmi minkashkakuna, kamak kamachikkuna chimpura tiyarishpa llankanka arinirka..
Kay COE Nacional kamachikka, Mamallakta Tantanakuyta pushak, Para la Gestión de Emergencia Sanitaria por Pandemia kamachiyta utkashpa arinichun mañarka. Chay “Como COE Nacional kamachikta, hatun unkuyta harkankapa mana kamachiyta charirkanchik nirka. Tayta, Zapata kamachikka Mamallaktapi hantun llankayta rurankapa shuk kamachiyta mutsunchik nirka.
SV/cz/jc-kichwa
