Mamallakta Tantanakuyta pushak, Guadalupe Llori Abarca, kay puncha antawa purichik tantarikunawan tantarirka.
Chaypi Transporte Terrestre, Tránsito y Seguridad Vial hawa rimanakurka, paykuna COVID-19 hatun unkunwan llakita charishkata riksichirka
Kay rimanakuypika, Federación de Transporte Terrestre de Pichincha, Carlos Brunis shamurka.
Chaypi antawa purichikkuna kullki llakita charishkata riksichirka. Chaymanta kipita aparik hatun antawakunata shayachina nirka. Ruwrapak chani chaypilla shayarichun, ama ashtawan chani wichiyachun mañarka.
Shinallatakmi Federación de Transporte Escolar e Institucional (Fenatei), Oswaldo Guamán pushakpash rimarka, antawata rantinkapa kullkita mañachikkuna, kullkita tikrachichun mana shuyakun nirka. Chay llakimanta tawka antawa purichikkuna mana llankakun willarka. Kay llakikunata ashayachinka mañachina kullkita churachun mañarka.
Kipaman, Napoléon Cabrera, Federación Nacional de Transporte Liviano Mixto y Mediano del Ecuador (Fenacotrali) tantari pushak, rawrapak chani wichiyashkamanta achka antawakuna mana llankakun, chaymanta murukuna katuna kushkakunaman mana chayamun nirka. Rawrapak chani chaypilla ritiyachun nirka.
Chay katipika, Central Unitaria de Trabajadores (CUT), Richard Gómez tantari pushak rimayta charirka, paypash rawrapak chani wichiyashkamanta achka antawakuna mana llankakun nirka. Paymanta Amanda Sánchez, Orellana markamanta antawa pushakman kimirisha, Mamallakta Tantanakuyta pushak kay llakikunata pitichun mañarka.
Tukuchinkapa, Federación de Taxis (Fedotaxis) tantarita pushak, Jorge Calderón, Mamallakta Tantanakuyta pushak, Tránsito y Transporte Terrestre kamachiywan, kay llakikunata allichichun, kamachiy killkakkunawan rikuchun, antawa pushakkunata hatun unkuyta anchuchinkapa añawharkata churachun mañarka.
Antawa purichikkunata wichna wasiman kachankapa kamachikkuna katishkamanta, Guadalupe Llori Mamallakta Tantanakuyta pushak, Hatun kamachikkunawan, Gobiernos Descentralizados (GAD) kamachikkunawan, runakuna tantarikunawan kimsantin tukushpa kay llakikunata pitishun nirka.
EA/cz/jc-kichwa
