Achiklla llankaymi Mamallakta Tantanakuypak, kamachiy killkakkunapak tiksi kanka
Kallari llankayka Comité de Ética tantarika huchakuna charik wanachishkata kachana kanka. Kay tantarimanka José Chimbo, Fredy Rojas, Marjorie Chávez, Luisa González, Dalton Bacigalupo yaykurishka kan, chikan chikan llaktay tantarimanta kari warmi kamamachiy killkakkuna yaykurichun yuyaywan akllarka.
Shinami Función Legislativa kamachiy kachashkata paktachirka. Kay Comité de Ética tantaripak apuyka Mamakamachiypak 127 nikita hapishpa, Función Legislativa kamachiypak 163 nikita hapishpa huchachishkunata, wanachishkakunata riksina apuytami charin. Chaypak José Chimbo kamachiy killkak pushak tukurka.
Mamallakta Tantanakuy Función Legislativa Hatun Kamachiypi tiksirishpa minkashkakunata tiyachirka
Kay Función Legislativa hatun kamachiypak 22, 23 nikikunami unipak 15 minkashkakunapak kamachikkunata akllankapa tiksi karka. Kay tantariman yaykurishka kamachiy killkakkunaka ishkay watakama llankanka, shamuk mitapak chay minkashkamanllatak yaykurichun akllashkapash kanka. Kutin Comisión de Fiscalización y Control Político ukuman mana kutintak akllarinata ushankachu. Consejo de Administración Legislativa tantari, Comité de Ética minkashka mana llaktay wanachita rurankachu.
Minkashkakuna sapan tantarikunapi kamachiyta killkanka, llankaykunata katinkapa kamachikkunata churarka
Mamallakta Tantanakuypak unipak Minkashkakuna kay Función Legislativa Hatun kamachiyta paktachinkapa llaktay harkay kamachiy llankaywan kallarirka, chaypi kamachiykunata, yuyarikunata llaktakunapak alli kachun arininka. Shinami minkashkakuna wallparirka. Shinami Función Legislativa hatun Kamachiypak 23 nikita paktachirka. Mamallakta Tantanakuy 708 yupay rimanakuypi sapan tantarikunapi kamachikkunata churarka, paykuna shamuk ishkay watata llankanka.
Anti kamachiy killkakuna Mamallakta Tantakuypak ñawpakpi llankaypi tiyarirka
Mamallakta Tantanakuyta pushak, Guadalupe Llori, Anti kamachiy killkakunata kamachiypi iñichishpa llankaypi tiyachirka, paykunaka 2021 wata, panchi killa, 7 puncha llaktayukkuna akllarka. Mamallakta Tantanakuypak 709 yupay rimanakuypi paktarka. Shinami Miriam Cisneros, Paúl Desamblac, Cristina Reyes, Verónica Arias, Virgilio Hernández Anti kamachiy killkakkuna llankaypi tiyarirka, paykunaka 2021 watamanta, 2025 watakama llankanka. Shinallatak Larry Yumibanda, Aracelly Cevallos; shinallatak, Walter Jaramillo, Ana María Lomas, Yolanda Tipán, Gabriela Torres, Carlos Muñoz kipa Anti kamachiy killkakkuna llankaypi tiyarirka.
Mamallakta Tantanakuyta pushak antawa purichikkunata uyarka
Mama Guadalupe Llori, Mamallakta Tantanakuyta pushakpak yuyayka Kamachiykunata killkankapa llaktayukkuna chaypi kachun kayana yuyay karka. Kay Mamallakta Tantanakuypak ukupi anatwa purichikkunata uyarka, chaypimi Transporte Terrestre, Tránsito y Seguridad Vial kamachiy imashina yanapashkakta willarka, shinallatak COVID-19 hatun unkuy antawan purichikkunata llakichishkata riksirka. Kay rimanakuypika tawka antawata chikan chikan purichik tantarikunami chaypi karka, paykunaka llankashkamanta antawa purichik tantarikunapi kullkita mana hapishkamanta riksichirka. Shinami Federación de Transporte Terrestre de Pichincha tantarita pusha, Carlos Brunis, antawata purichikkuna hatun unkuy Mamallaktapi llankachun karkashkamanta kullki hatunllakita charinchik, kunan punchakama shina katinchik nirka. Mamallakta Tantanakuyta pushak, llaktayukunamanta llankashun, paykuna kutintak Mamallakta Tantanakuy kamaywasiyay llankaypi iñina yuyayta charichun nirka, chayta paktachinkapa runakuna shamuchun punku paskashkata charinka nirka.
Kay Guadalupe Llori kamachikpak yuyayka allikachun llankaykunata kamana
Kay yuyaykunawan, Guadalupe Llori, Mamallakta Tantanakuyta pushak chay COE Nacional, Juan Zapata kamachikwan shuk rimanakuyta charirka, chaypi Mamallakta Tantanakuypi wasi ukupi kamachiy killkakkuna llankachun yuyarirka. Shinami Guadalupe Llori kamachikka, shina llaktakuna Mamallakta Tantanakuy kamaywasiyaypi iñichun kayana nirka. Mamallakta Tantanakuyta pushakta uyashpa COE Juan Zapata kamachik, mañashkashina llankachun arinirka, shinapash hatun unkuymanta harkarishpa llankachun sakirka, chaymanta Raymi killa, 15 punchamanta Mamallakta Tantanakuypak wasi ukupi llankachun arinirka.
Jc-kichwa
