Mamakamachiy rimashkata, Función Legislativa kamachiy rimashkata, Mamallakata Tantanakuyta pushak Guadalupe Llori Abarca, tayta Guillermo Lasso Mendoza Mamallakta pushak kachun, Alfredo Borrero Vega kipapushakta tiyachirka.
Paykunaka 2021 watamanta, 2025 watakama pushanka. Mamallakta Tantanakuyta pushak Banda Presidencial chumpita, Gran Collar de la Orden Nacional Mamallakta pushakman churachirka.
Kay Salón Nela Martínez hatun ukupi Yalli Mamallakta Pushakpak, Alto Mando Militar y Policial kamachik Mamallakata Tantanakuyman shamurka.
Shinallatak, kayashka Mamallakta pushakkunapak, ista kamachikkunapak, ista tantarikunapak, kamachiy killkakkunapak, Ecuador Mamallaktapak hatun kamachikkunapak ñawpakpi, Guadalupe Llori, Ecuador llakta kishpirishka punchamanta rimarka.
Mushuk hatun kamachik allikawsaymanta, runakunapak llankaymanta, kullki mirarinamanta, Ecuador llakta runakunaman llankayta kallaripi churashpa Mamallakta Kallarina, Llori kamachik rimarka. Shinallatak paktakaymanta, kishpirinamanta, runakuna allikaytama, Pacha Mama ukllaymanta, tisikumanta, warmikunamanta, wawakunamanta, yuyakkunamanta, llaktakunamanta, runallaktakunamanta rimarka.
Kallari 100 puncha Mamallakta Pushaypi kullkita mirachinkapa, Covid-19 hatun unkuyta takana, llankaykunata wiñachina. Chay kipa chusku watapak llankayñanta ruranka. Kamachik Llori, kamachiy killkakkunata tukuykuna makita kushpa llankashun nishpa kayarka. Tukuy kamachiy killkakkuna shuklla yuyayta wallpashpa llaktakunapi yanapankapa llankachun mañarka.
Mamallakta Pushak, Guadalupe Llori, tukuykuna wamanita churashpa, minkata rurashpa llankana, kullkita mirachina, pachamamata kamana, yachayta pushana, runakunapak hayñita kamana nirka. Kamachiywan llankanata, llankaykunata kamashpa allichina nirka.
Paymanta, Guillermo Lasso Mendoza, Decreto Presidencial por el cual asume la Jefatura de Estado y de Gobierno de Ecuador churashka kamachiyta churashpa, Ecuador llaktapi shuklla hatun tukushpa llankana kunan puncha tukurin nirka. Kay kipa mana llankaykunata charik, kunanka llankayta charinka nirka, Covid-19 unkuyta takashun nirka.
Tukuy Ecuador llaktapi kawsak runakunaman kallari 100 punchapi 9 hunu añawharka hampiwan runakunata hampina rimarka, chaymanta tay Gobierno, tukuykuna makita kushpa llankashun mañarka.
JLVN/cz/jc-kichwa
