Kay Comisión de Desarrollo Económico, Productivo y la Microempresa tantari wallparishka pushay kallarirka.
Kamachik, Daniel Noboa pushak kamachiy killkak, Mamallaktapi kapukyayta mirachina may mutsurikmi kan nirka, chayta paktachina kanchik nishpa rimayta tukuchirka.
Kay yuyayman Wilma Andrade, tantarita kipapushak kimirirka, payka Ecuador llakta kullki llakipi, hatun unkuy llakipi kawsakun nirka.
Chaymanta llaktayukkunapak kawsaypi rantichikuna tiyanka, kay rimanakuna pataku chayta rikuna kanka nirka. Kay tantarimi tarpuyta, makirurayta, riksina llankayta, Mamallaktapi kapukyayta rikunata charin nirka.
Kamachiy killkak, Carlos Zambrano hatun llankaykunata mirachishpa llaktayukunata yanapashun mañarka. Shinallatak El Oro markamanta chalwa hapikkunaman, makirurakkunaman, chukipi llankakkunaman, palanta tarpukkunaman mushuk llankaykunata chayachina nirka.
Paymanta, John Vinueza Kamachiy killkak, llaktakunapi mushuk kullki paktakay ñanta chayachina nirka. Kapukyak katikuykuna llaktakunapi rikurina kan nirka, Mamallaktapak runakuna hatun kitikunapi, uchilla ayllullatakunapi mushuk kapukyay rikurichun, kay kapukyachikuna Ecuador llaktapi hicharichun mañarka.
SV/pv/jc-kichwa
