Kayna tutamanta Mamallakta Tantanakuyta pushak, Guadalupe Llori Abarca, Mesa por la Verdad y Justicia tantariwan shuk llankay tantarita charirka.
Chaypi “Perseguidos Políticos, Nunca Más” hawa rimanarka, Paúl Jácome Segovia, kamachiy killkak ma kutintak tiyachun mañarka.
Llaktay katikachashka 300 kari, warmi runakunami kan nirka, 2008 watamanta hayñikunata kichushka kan nirka.
Chaymanta, utkashpa hayñikunata pakishkamanta taripaykuna rurashkata willachun mañarka, mashna runakuna paykunapak hayñita kichushkata willachun, ama kutintak katikachashka kachun utkashpa harkana nirka.
Shinami Víctimas kamachiyta allichina nirka, chaymanta 2018 watakama huchachishkakunata kishpiychinamanta rimanakurka, kamachiyta allichishpa shuktak kishpiychinakunata Código Orgánico Integral Penal (COIP) kamachiypi nikikunata yapachina nirka, imashina huchakuna kashkata akllana kan nirka.
Paymanta, Guadalupe Llori, Mamallakta Tantanakuyta pushak, patakuman willaykuna, huchachikuna chayashka Comisión de Justicia y Estructura del Estado tantariman chayachishka kanka, Garantías Constitucionales, Derechos Humanos, Derechos Colectivos y la Interculturalidad minkashkamanpash chayachishka kanka nirka.
Tantarikunapak llankayka huchakunata, wanachikunata taripanami kanka nirka. Kay Mesa por la Verdad y Justicia patakunaman mana kipushka, mana chayashkatapash riksinami kanka. Shina ñukanchikpak hayñita sumaychachun, Guadalupe Llori Mamallakta Llaktata pushak tukuy chaypi kakkunaman rimarka.
EA/pv/jc-kichwa
