Mamallakta Pushakta rantichi Mamallakta Tantanakuypak kay hunkapi karka
Mamallaktamanta hatun kamachikkuna, ista Mamallaktamanta hatun kamachikkuna kayashpa Mamallakta Tantanakuypak ukupi kamachikkunata tiyachirka. Chayka ñukanchikpak Mamallakta kamaywasi tukuchun sinchiyachin, minkashakkunapak kamachikkunata unipak akllashpa Mamallakta Tantanakuypak katikillata wallpachun ñanta rikuchirka.
Tayta Guillermo Lasso Mamallakta pushakta, Alfredo Borrero kipapushakta Mamallakta Tantnakuy tiyachirka
Mamallakta Tantanakuypak Salón Nela Martínez ukupi Tayta Guillermo Lasso Mamallakta pushakta, Alfredo Borrero kipapushakta Mamallakta Tantanakuy tiyachirka, paykuna 2021 watamanta, 2025 watakama llankanka. Chaypi ista Mamallaktapak pushashkuna, istakamachikkuna, hatun yachakkuna, hatun llaktakuna, tantarinakuyta pushakkuna karka. Mamallakta Tantanakuyta pushak, Guadalupe Llori, Ecuador Mamallakta ukupi llaktapura, runakunapura llakikunata washaman sakishpa rimanakuy kawsayta wallparka, tayta Guillermo Lasso, Jefatura de Estado ukuta hapishpa, Decreto Presidencial kamachiyta churarka, chaywan shuklla Mamallaktapi llankanata tukuchirka, Ecuador llaktapi llakta ushayta kallarichirka.
Minkashkakuna kamachikkuna akllayta tukuchirka
Chaymanta Educación, Cultura, Ciencia, Tecnología, Innovación y Saberes Ancestrales tantarita; Soberanía Alimentaria y Desarrollo del Sector Agropecuario y Pesquero tantarita; Régimen Económico tantarita; Fiscalización y Control Político tantarita akllarka. Kay tantarikunata pushachun Manuel Medina, Rocío Guanoluisa pushak tiyarirka; Comisión de Fiscalización y Control Político tantari, Fernando Villavicencio, Ana Belén Cordero kamachiy killkakkuna pushanka; Comisión de Soberanía Alimentaria tantarita Mariano Curicama y Lucía Placencia kamachiy killkakkuna pushanka. Comisión de Régimen Económico tantarita Mireya Pazmiño, ohnny Terán kamachiy killkakkuna pushanka.
Mamallakta Tantanakuy Unión Interparlamentaria ukupi rikurin
Kay Alejandro Jaramillo, Wilma Andrade, Rina Campain, Pabel Muñoz, Consuelo Vega, Cristian Yucailla Ecuador llaktapak shutipi 142 yupay Asamblea General de la Unión Interparlamentaria hatun tantaripi karka, chaypi karumanta allpapachamanta ista llaktakuna karka, chaypi Covid-19 unkuypak añawharkata mañaymashkankapa rimanakurka. Hatun pushakkuna imashina hatun unkuy allpapachapi purikushkata riksichirka, chikan chikan Mamallaktapi imashina añawllawtu ama mirarishpa katichun harkana yuyaykunata, yachaykunata churarka.
Mamallakta Tantanakuypak katikillata chaypi kashpa wallparka
Mamallakta Tantanakuyta pushak, Guadalupe Llori, Consejo de Administración Legislativa (CAL) kamachikkunawan, llaktay tantari pushakkunawan, tantarita pushakkunawan rimanakuyta charirka, chaypimi Mamallakta Tantanakuypak katikilla wallparka. Shinami Mamallaktapak kamachiy killkak Mamallaktapak llankayta pushanka llankayñanta, llankana hillaykunata charinkapa yanapanka. Shinallatak kamachiy killkakkuna Raymi killapak, 15 punchamanta Mamallakta Tantanakuypak wasipi tiyarishpa llankankapa punkuta pashkanka, kaymanka añawllawtuta harkarishka kamachiy killkakuna, awllikkuna, kamachikkuna yaykurinka. Llankaykunaka allikawsaypi, llankaypi, kullkita kutintak mirachinkapa yanapanka.
Katikachasshka llaktak ama tiyacvhun, Guadalupe Llori Mamallakta Tantanakuyta pushapak arinishka kan
Kay Guadalupe Llori Mamallakta Tantanakuyta pushak, Verdad y Justicia “Perseguidos Políticos Nunca Más” patakuwan rimanakuyta charirka. Kay patakuta pushak Paúl Jácome kamachiy killkak, 2008 watamanta paykunapak hayñita pakishka 300 runakunami llakichishka, katikachashka kan nirka. Mayhankunalla runapak hayñita pakishkata taripana nirka. Mamallakta Tantanakuyta pushak paypash hayñita pakishpa llakichishka kani nirka, kay llakikunataka Justicia y Estructura del Estado y de Garantías Constitucionales, Derechos Humanos, Derechos Colectivos y la Interculturalidad minkashkakuna rikunka nishpa willarka.
Kay Álvaro Salazar, Carlos Iglesias Mamallakta Tantanakuypak killkakamayuk, kipakillkakamayuk tiyarirka
Kay Álvaro Salazar Paredes, Carlos Alberto Iglesias Mamallakta Tantanakuypak killkakamayuk, kipakillkakamayuk tiyarirka, chaypak llakta tantarikuna, shuktak llaktay tantarikuna yanaparka. Hatun killkakamayuk tukuy kamachiy killkakkunata yupaycharka, payka Mamallakta Tantanakuymanta sinchita llankanamanta arinirka, Mamakamachiyta mana pakinamanta rimarka, shinallatak Guadalupe Llori, kamachiyta arinichishpa llankaypi tiyachirka, shinami llankana ukuman yaykuchirka.
Minkashkakuna llankayta kallarin
Kay Desarrollo Económico minkashka manarak allichishka, patakupi sirikuk kamachiykunata riksirka 46 kamachiykunami kan, chayka: Turismo kamachiy, Empresas Públicas kamachiy, Desarrollo Artesanal kamachiy, Defensa del Consumidor kamachiy, Emprendimiento e Innovación kamachiy, Reactivación Económica kamachiy, Electromovilidad y Energía Eléctrica kamachiy, Desarrollo Sostenible kamachiy, Aviación Civil kamachiy, Telecomunicaciones kamachiy, shuktak kamachiykunapash kan. Kamachiy killkakkunaka kay: Reactivación Económica, Turismo, Emprendimiento e Innovación, El apoyo al Sector Rural, Acercamiento a los Sectores Productivos kamachiykunata kallaripi churashpa rikuna nirka. Chaymanta Comisión de Régimen Económico tantarika kay Kamachiyta Mamallakta Tantanakuypak Secretaría General, chay Régimen Tributario Interno kamachiyta, Corte Constitucional kamaywasiman kachana nirka, paykuna Mamakamachiywan takarik kakta rikunka, allichishpa katinka nirka.
Mamallakta Tantanakuyta pushak Chimborazo markapi kamachiktawnata chaskirka
Llaktakunapi llankay, runakunawan rimanakuy Guadalupe Llori, Mamallakta Tantanakuy pushakpak shayaktiksi kanka, chaymanta payka shaska puncha Riobamba kitipi karka. Chaymanta, Kipipushak samarik llipyakuk kamachik nishpa hatunwillayta kacharka. Chay Consejo Provincial de Orellana kamaywasipi llankaymi llakta kamachikkunapak llankayta, Llori hamutachirka. Mamallakta pushakwan, Gobiernos Autónomos Descentralizados kamachikwan tinkirishpa llankashun nirka. Chaska puncha llaktakunapak, runallaktakunapak shutipi Mamallakta Tantanakuyta pushak “Bastón de Mando” kamachiktawnata chashirka, kay unanchaka Mamallaktata yanapankapa sinchi ushayta yallichinka. Pachakutik llaktay tantariwan yuyarishpa “Carta de Compromiso y Honestidad” pankata arinirka.
PV/cz/jc-kichwa
