Kay Desarrollo Económico tantari, Daniel Noboa Azin kamachiy killkak pushashka rimarka.
Shinami, Guillermo Lasso, Mamallakta Pushak, uchilla llankakwasiman churana 2 % patsakri churashka kullkita kichunka.
Chaymanta Wilma Andrade, kamachiy killkak, shuk puncha washaman uchilla llankakwasikunapak kullki llakita riksinkapa rikuchichun mañarka.
Chay 2019 watakama, 86% patsakri kullki churakkuna tiksi churashka kullki 2% patsakrita mana paktarka nishpa willarka.
Shinami chay SRI kamachikkunaka, uchilla llankakwasikuna churashka 2 % ptsakri kullkita kuchun mañarka, 500 hatun llankakwasikuna, 1.535 hunu dólares kullkita manuta charin nirka.
Paymanta SRI hatun kamachik, kay SRI kamaywasi churashka kullkita tantanata ushan, chapashkamanta hapina kullkitapash tantanata ushanmi nirka, chay kullkita ama chinkachichun harkanatapash ushanmi nirka.
Minkashka shamuk 100 punchapak katikillata ruranka. Rimanakuna pataku Reactivación de las Provincias de Esmeraldas y Manabí kamachikyta killkashpa arininatami charin nirka. Kay Emprendimiento vinculadas a la Implementación Efectiva del Emprendimiento Juvenil kamachiyta arinina llankayta pushanka, kay Turismo kamachiytapash arininka.
SV/pv/jc-kichwa
