Kay Asociación de Municipalidades del Ecuador tantari, Raúl Delgado pushak, Guadalupe Llori Abarca, Mamallakta Tantanakuyta pushak tukushkamanta yupaycharka.
Shunami paywan makita kushpa llankanata arinirka, llaktakunawan rimanakushpa kamachiyta killkan nirka.
Paymanta, Raúl Delgado pushakka, Covid 19 hatun unkuymanta, llaktakunapak mutsuykunata hapishpa, paykunapak mañashkata kamachiy imashina rimashkata hapishpa tikrachina nirka, shina kay hatun unkuy llakichishkata allichina nirka.
Kayna 2020 watapi, Gobiernos Autónomos Descentralizados llankana kullkikuna ashayarka nishpa riksichirka, chay kullki sapan llaktakunaman pakta pakata chayana karka nishpa willarka. Shinapash mana chayarka. Chaymanta kamachiyta killkak minkashkakuna Ecuador llaktapak kitikunaman pakta pakta kullkita chayachishpa, llakta mutsushka llankayta rurachishpa yanapachun mañarka.
Tayta, Delgado pushakka , GAD llaktakunaman, kamachik Guadalupe Llori, Mamallakta Tantanakuyta pushak, kitikunaman chayachun mañarka, pay Orellana markapak Alcaldesa, Prefecta kashkamanta imashina markapi llankak kashkata riksin nirka.
Kaymanta Mamallakta Tantanakuyta pushak, Guadalupe Llori, chay Asociación de Municipalidades del Ecuador kiti tantarita yupaychashpa, Mamallaktapak kitikunata, shulkakunata, ayllullaktakunata yanapankapa arinirka. Ñami 22 wata, kitipushak kashka nirka, chaymanta llaktakunapak chikan chikan pata llankayta yanapashun nirka.
Kipaman, Kaymanta Mamallakta Tantanakuyta pushak, Guadalupe Llori, Ecuador llaktapi, Uruguay llaktamanta, Ricardo Baluga ista kamachikta chaskirka, payka Amazonía llaktamanta, Ecuador llaktapak Mamallakta Tantanakuyta pushak tukushkamanta kushiyari nirka.
JLVN/pv/jc-kichwa
