Kay 142 niki Asamblea de la Unión Interparlamentaria (UIP) puchukay rimanakuy, llikapankapi paktarikun, kay kullka puncha, 27 puncha aymuray killa 2021, Suyu llakta Mamallaktamanta, LLakta Tantanakuymumanta, Parlamentos wankurikunamantapash minkarishka rimarikkuna, kay Covid-19 unkuyta chimpapurankapak hampikunata paktanapakmi mañarka, mana chinkanyachishpa, mana harkarishpapash.
Kay rimanakuyka, kayna puncha kallarirka, chillay 26 puncha aymuray killa, Parlamanentos tantanakuyta tawka pushakkuna, kipa pushakkuna, Asambleas y Congresos wankurimanta minkashkakunapashmi kay UIP tantanakuypi killkarirkakuna, paykunapak llaktakuna pandemia unkuy llakipi paktarikushkata willarkakuna, kay virus unkuyta chimpapuranapak llankaykuna paktashkatapash willarkakuna.
Shinallatak, tawka llakta pushakkunata mushuk yachaykunata rikushpa katichun, Covid-19 unkuypak hampitapash wiñachichun mañarkakuna, shinallatak charishka hampikunaman paktachun, kayshina achka ayllukunata hampinapak shinallatak kay unkuy ama mirarishpa katichun.
Kay kulla punchaka kay Zimbawe, Baréin, Nueva Zelanda, España, Angola, Alemania, Chile, Ucrania, Mali, Azerbaiyán, Maodova, Colombia, Lesoto, El Congo, Federación Rusa, Mauricio, Nicaragua, Irán, Mozambique, Paraguay, México, Nigeria, Ruanda, China, Japón, Panamá, Corea del Sur, Rumania, Arabia y Egipto llaktakunamanta minkarishka runakunami rimarirka.
Kay rimanakuypika shuktak yuyaykunapashmi rikurirka, parlamentos wankurimanta, llaktay ayllukunapak llaktaykunamantapash tukuylla kullki llankaypi paktarinapak, hampikunata allichinapak, ashtawankarin, hampinapi wakllirinalla llaktayukkunata pakta yanapankapak, kay Covid-19 unkuyta chimpapuranapak hampita chayachishpa. Kay ruraykunapika warmikunapak, kari warmi wawakunapak, wamrakunapak, yuyak runakunapak, shuktak wakllirinalla ayllukunapak hayñikunata sumaychanapak kayachirka.
Warmikuna shinallatak Wamrakunapash chaypikana
Kay 142 UIP tantanakuypak rimanakuyman, 1000 minkarishkakuna yallita charik, 37% patsak Parlamento wankuriman killkarishkakunami warmikuna kan shinallatak 25% patsakmi wamrakuna, kayshina chayaywanka Unión Interparlamentaria wankuriy mutsurishka, kari warmi paktakanapak chayanata riksichin, wamrakuna Mamallakta Tantanakuykunapi chaypikanatami rikuchinpash.
Kay UIP Tantanakuypak killkakamayuk, Martin Chungong, kay UIP tantanakuyman chayamushpa rimarishkakunaka shamuk tantanakuykunapi ashtawan allichishpa katinapakmi yanapan, shinallatak llipapankapi paktarinapak llakikunata allichinapakmi paktanka nirkami. Shinapash kay Asamblea 142 tantanakuy paktariy usharishka, pandemia unkuy tiyashka kakpipash shinalaltak tawka llaktakuna purinapi harkarishka kakpipash tantanakushkanchik, nirkami.
Paymantaka, Duarte Pacheco, UIP Tantanakuyta pushak, Parlamentarios ayllukuna kay rimanakuyman chayamushkata naparka kaypika allpapachamapi llakta yuyayta pushakkunami paykunapak yuyashkata riksishkatapash riksichishkakuna, kay Covid-19 unkuyta chimpapuranapak, pandemia llakita mishankapak shinallatak mushuk kawsayman kimirinkapakpash, shinallata llaktay yuyaymanta rimashkapaka allpapacha kunukyay ashayachinapak rimanakurka, shinallatak Objetivos de Desarrollo Sostenible (ODS) paktayman chayankapakpash. "Kikinkunami ñukanchik llankaykuna paktanapak yanapashkankichik, kay llikapanka rimanakuypi chayamushkamanta, arinishkamanta yupaychanchik, kaykutinka, kayshina llankayta paktanapak kamachiyta katishkamanta", nirkami.
Ecuador llaktamanta Alejandro Jaramillo, Wilma Andrade, Rina Campain, Pabel Muñoz, Consuelo Vega y Cristian Yucailla kamachiy killkakkunami chaypi karka.
EG/pv/cg-k
Más fotografías:
