Mamallakta Tantanakuy kay Soberanía Alimentaria llankayta kutintak arinirka
Kay Mamallakta Tantanakuy Para Reducir la Pérdida y el Desperdicio de Alimentos y Mitigar el Hambre en Personas Vulnerables kamachiyta kallari atinakuyta charirka, kay kamachiywan mikunata ama yanka shitachun harkanka, shina charimushka tawka sami murukunata mikuna ashtawan tiyachun mirachinka, charik runakuna shitashka mikunata alli murukunawan chakrushpa achka mikuna titachun yanapanka, mikunakunata karakpi kullkita mana hapishpalla runakunanaman achka mikuna tiyachun kallaripi churanka.
Mamallakta Tantanakuy Lenín Moreno yallik Mamallakta pushak willashkata katinka
Mamallakta Tantanakuy arinishkata hapishpa, Comisión de Régimen Económico tantari Lenín Moreno yallik Mamallakta pushak mañaymashkayta rurashkata willanata charin. Chaytami minkashka kamachiy killkakkunaman chayachinka kay willaytaka, kamachiykuna rimashkata hapishpa Mamallakta Tantanakuy hunta rimanakushpa sarun aymuray killa, 28 puncha chayachishka pankataka kamachiy killkakkuna shuklla yuyayta churanka. Chay killkashka pankaka Mamakamachiypak 147 niki, 7 yupaywan takarin nirka, chay hawa atinakurka.
Mamallakta Tantanakuyta pushak, llaktay tantarikunawan katikilla tiksita arinirka
Mamallakta Tantanakuyta pushak, Guadalupe Llori, llaktay tantarikunawan rimanakuyta charirka, chaypi 2021 watamanta,- 2022 watakama katikillata ruranka. Shukniki Kipapushak Virgilio Saquicela, kamachiy katikillaka, kay raymikilla 14 punchapak ña killkakshka kanka, kimsa tiksitami chartinka nirka, chayka: llankay, churakullki, hayñikuna kanka nirka. Shinallatak minkashkapi kay 423 mushuk kamachiykunata kallaripi churashpa llankana nirka, “Llankay uchiyachina, 10 kamachiyka mushukyachina kan nirka, shukka Código Integral Penal kamachiy”, rimarka. Llaktay tantariman yaykurishka kamachiy killkakkunaka, kay katikillata chaskishpa tukuykunaman riksichina, tukuykuna allichina nirka.
Kay Grupos Interparlamentarios tantarika ñami allichishka kan
Kay Consejo de Administración Legislativa tantari, chay Grupos Temáticos Parlamentarios y Grupos Interparlamentarios de Amistad de la Asamblea Nacional tantarita ña allichirka, chay tantarita, awllinata nikinka, chaymanta Función Legislativa kamachiypak 123 niki, 1 yupaypi nishkata paktachin, chaywan Compañías kamachiyta, Equidad Salarial entre Hombres y Mujeres kamachiyta, shuktak kamachiykunata Comisiones de Desarrollo Económico tantari, Derechos de los Trabajadores tantari allichinka, shinami paykunaka sinchita llankanka.
Mamallakta Tantanakuyta pushak Guadalupe Llori, Mamallakta Tantanakuyka punku paskashkata charinka
Mamallakta Tantanakuypak llankayka llaktakunapak mañashkata, charishkata chaskinami kanka, nirka. Kay tukurik hunkapi Guadalupe Llori, Mamallakata Tantnakuypak kitipushkwan, yachachikwan, yachachikwan, llaktamanta yachachikwan, Ministra de Inclusión Económica y Social kamachikwan, Procurador General del Estado kamachikwan, antawapurichikkunwan rimanakuyta charirka. Ista kamachikkunatapash chaskirka, paykunawan imashina Mamallakta Katikushkata, istamamallaktawan makita kushpa llankakushkata riksirka.
Kay Educación Intercultural kamachiy mañaymashkayta Comisión de Educación tantari pushanka
Tukuy kamachiy killlkakkuna chay Educación Intercultural kamachiy llankayta kallarichun mañarka, Mamallakta Tantanaluy arinishkami kan, Mamakamachiypak nikikunawan kimirik kamachiymi kan nirka, chayta rikushpa Mamallakta Tantanakuy arinirka. Chay Corte Constitucional kamaywasi Mamakamachiywan takarin nishkamanta, Mamallakta Tantanakuy UNE tantari pushak, Isabel Vargas kamachikta chaskirka, Jorge Escala shinallatak rimarka, “Asambleísta por un Día” rimanakuypi karka, Leonidas Chiliquinga, payka yallik kamachiy killkak karka, paykuna uchilla kamachiyta allichishkakunata riksirka.
Kay covid-19 unkuyta añawharkata Derecho a la Salud minkashka kamaykurka
Shinallatak, Salud, Ximena Garzón, hatun kamachik chaypi karka, kay llakita kallaripi churashpa ukllana, rikuna nirka, chay covid-19 unkuyta harkankapa, añawharka runakunaman chayachina, chaymanta kallari 100 punchapi 9 hunu runakunaman añawharkata hampik kamachikkuna chayachina nirka, chayka llaktakunamanta 71.7 % patsakrimi nishanin, rimarka. Chay llankaypika CNE, GADs, Coes cantonales, Ministerios de Educación, Inclusión Económica y Social, Fuerzas Armadas, Policía, IESS, CNT, ACNUR kamaywasikuna makita kushpa llankanka.
Minkashkakuna sirik kamachiytakunata rikunka, shamuk watapak katikillata allichinka
Chaymanta Minkashkakuna sirik kamachiykunata rikun, shamuk watapak katikillata allichin, shina: Garantías Constitucionales tantari Derechos de Pueblos y Nacionalidades kamachiyta allichinka, Comisión de Justicia tantari, 100 mushuk kamachiykunata allichinka, Código Orgánico Integral Penal kamachiyta, Código Civil kamachiyta, Código de la Democracia kamachiyta, Garantías Jurisdiccionales kamachiyta allichinka. Kay Soberanía y Seguridad Integral tantari, tawka kamachiykunata killkankapa, allichinka katikillata ruranka, istakamachiykunata rikisinka, Derecho a la Salud y Deporte kamachiyta, Discapacidades kamachiyta allichinka.
Mamallakta Tantanakuypak kari warmi wawaman, imillaman yanapay kallari llankay kanka
Chaymanta Día del Niño punchata, Protección Integral de Niñas, Niños y Adolescentes tantari pusharka, kamarikunata chayachirka. Kay puncha Mamallaktapak chikan chikan llaktakunamanta, istallaktamanta kari warmi wawakuna, imillakuna karka, istallaktaman kamachiykillkuna yachaymanta, allikawsaymanta, wawaman mikunata chayachinka. Shinamai kari warmi wawakuna, imillakuna llakita charikpi, paykunata kallaripi yanapanka, kipaman Código de Protección Integral de Niños, Niñas y Adolescentes kamachiyta allichishpa Mamallakta Tantanakuy arininka.
Kamachiy killkakkuna hatunkamachik GAD kamaywasiman manuta willachun mañarka
Shinallatak Comisión de Gobiernos Autónomos minkashka, Ministerio de Finanzas kamaywasi, Hatunkamachik karupi llankak GAD kamaywasiman manuta willachun mañan, Mamakamachiy rimashkata, Función Legislativa kamachiy rimashkata
Hapishpa chay Impuesto al Valor Agregado kullkita tikrachichun mañana, ima mitapipi chay kullkita chayachicun katinka, Proforma Presupuestaria mamakullkipi llakta kamachikkunaman chayana kullkita ashayachishkata willachun mañarka.
Kay Desarrollo Económico minkashka Mamallaktapi llankay, kullki kutintak mirarichun llankanka
Kay Desarrollo Económico tantari, Daniel Noboa Azin kamachiy killkak pushashka, Guillermo Lasso, Mamallakta Pushak, uchilla llankakwasiman churana 2 % patsakri churashka kullkita kichunka. Shinallatak, Directora del Servicio de Rentas Internas kamachik rimashkata uyashpa, tukuy chaypi kak kamachiy killkakkuna yallik arinishkata mallirka. Chaymanta Wilma Andrade, kamachiy killkak, shuk puncha washaman uchilla llankakwasikunapak kullki llakita riksinkapa rikuchichun mañarka. Chay 2019 watakama, 86% patsakri kullki churakkuna tiksi churashka kullki 2% patsakrita mana paktarka nishpa willarka. Shinami chay SRI kamachikkunaka, uchilla llankakwasikuna churashka 2 % patsakri kullkita anchuchichun mañarka.
Pv/jc-kichwa
