Kunan, 7 punchapi Segunda Reunión Ordinaria del Parlamento Amazónico (Parlamaz) rimanakuypi, kamachik Guadalupe Llori Abarca, Ecuador llaktak Mamallakta Tantanakuyta pushak Antisuyuta ukllankapa yaparin.
Kipaman antisuyu llaktakunata ama wakllichichun ukllayta kunkanpa, Antisuyu sachakunata, kawsaykuna allpapachapak paruk kakpi ukllana kanchik nirka.
Kay Parlamaz tantarika Brasilia llaktapimi kan, kay suyumanta Nelsinho Trad kamachiy allichik pushashkami kan.
Kay rimanakuypika Bolivia llaktamanta, Brasil llaktamanta, Colombia llaktamanta, Ecuador llaktamanta, Perú llaktamanta, Surinam llaktamanta, Venezuela llaktamanta kan. Kay rimanakuyta karumanta rikushpami karka.
Kay Mamallaktakuna rimanakuypika Antisuyupi kawsak runakuna, ayllullakta, markakuna wakchayay, yakuhawrimanta hatun atinakuy karka. Antisuyupi allpakunapi tiyak sachakuna, yakukuna, wiwakuna allpapacha ruparikwan kirimishka kakta hatun yachakkuna rimarka. Ecuador llaktapi 2020 wataka, 19 waranka tupu rupashka karka, yachakkunaka 24 waranka tawatupu milka sacha chinkashka karka.
Antisuyu llaktakunapi tiyak runakuna, tantarikuna, kamaywasikuna, markakuna kawsayta, mayuta, yakuta ukllankapa mushuk taripaykunata rurana kan. Chaywan punkarata surkushpa, chukikunata surkushpa wakllichishka allpakunata kutintak sachakuna, kiwakuna wiñachun wanuna, allpata samachina kan. Chay llaktakunapi kawsak runakuna sacha yurakunata tarpuchun Mamallakta kullkiwan, hillaykunawan yanapanata makipi charin.
Shinallatak Mamallakta Tantanakuyta pushak, chay Parlamento Amazónico llaktakuna tantanakuyta rimashkata chaskirka. “Willashkakuna achiklla kan, ama samarichun Amazonía llaktakuna kamana yalli chishiyanka nirka, kunanllatak kallarina kanchik nirka”, shina rimashpa tukuchirka.
Kay rimanakuytaka Kipa hatunpushak tiyarishpa kallarirka. Kay Ecuador llaktamantaka, kay kipapushaka Isabel María Enríquez kamachiy killkakpi urmarka. Kay Ecuador llaktamanta kamachiy killkakkunamanta yalli, Ligia del Consuelo Vega kamachiy killkak, Rosa Elizabeth Cerda warmikunata shamurka.
Kay Segunda Reunión Ordinaria del Parlamento Amazónico tantartipak katikillaka Bolivia, Brasil, Colombia, Perú, Surinam, Venezuela llaktakunamanta kachashka pushakkuna rimayta charichun killkashka karka, paykunapash Parlamaz rimanakuyman kayashpa katichun yanaparka.
EG/pv/jc-kichwa
