Guadalupe Llori Abarca, Mamallakta Tantanakuyta pushak, kay awkarik 1 puncha, raymi killa, embajador de Gran Bretaña, Chris Campbell runata chaskirka, paywanmi kay llaktapi shinallatak ista llaktapi llankaykuna paktakushkata rimanakurka, ashtawankarin llaktakunapura llankay paktakushkata, llaktakunapak Tantanakuypura imashina yanapayta ashtawan sinchiyachinkapak.
Kay rimanakuypika, diplomático británico runaka Ecuador Mamallakta Tantanakuyta pushakmanmi kay shamuk pachakuna Conferencia de Naciones Unidas sobre Cambio Climático (COP 26) rimanakuy shamuk sasi killa 2021 watapi Glasgow llaktapi paktarinapak llankakushkata riksichirka, shinallatak Ecuador Mamallakta Tantanakuy kay rimanakuyman tawka yuyaykunata apana allimi kanka nirka, ashtawankarin abogada Guadalupe Llori kamachi killkakka allpapachapi, kawsaypachapi achka alli Antisuyu llaktapi akllashka kashkamanta, nirka.
Kay embajador Chris Campbell runaka nirkami, ashtawankarin, shamuk pachakunapi Gran Bretaña shinallatak Ecuador llaktamanta Tantanakuykuna makipurashpa llankanamanta, tawka yuyaykunapi, ishkaytik mutsushka yuyaykunapi llaktayuk alli kawsayta mashkashpa llankankapak, nirkami.
Kikinmantaka, Guadalupe Llori kamachi killkakka Gobierno británico pushakmanta minkashka runa napashkata yupaycharka, shinallatak kaypi hatun llankay sumaychayta kay yallik 15 puncha aymuray killa chishkishkatapash riksichirka, mana llaktamanta yanapankapak, ashtawankarin tukuy ayllukunapak kamachiykunata ruranapak shinallatak ñawinchiyta paktachinapakpash.
Procurador runa chayamurka
Ñawpallami, Mamallakta Tantanakuyta pushak, Guadalupe Llori Abarka kamachi killkakka, procurador General del Estado, Íñigo Salvador runata chaskirka, paywanka llankaywasikunapak llaktay shinallatak pushakkunapash achiklla paktarinamanta rimanakurka, mana pantashpa, hatun alli kamachiykunata ruranami mutsurin, shinapash, llaktapak llankay wasikuna, pushakkuna, tantanakuykunapash llaktayuk chayanata yanapachun sinchiyachina nirka.
EG/pv/cg-k
Ashtawan shuyukuna:
