Kamachik, Guadalupe Llori Abarca, Mamallakta Tantanakuyta pushak, Ministra de Agricultura, Tanlly Vera kamachikwan rimanakuyta charirka.
Chay Orellana, Napo, Sucumbíos markakunamanta llaru tarpukkunawan rimanakuyta charirka, chaypi Mamallaktapi achka tarpuykuna, pukuykuna wachuy tiyachun mañarka.
Kamachik Tanlly Vera, tarpuykunamanta, pallaykunamanta, pukuykunamanta, katuna chanikunamanta, llaruta kulkanamanta rimankapa shuk sumakruray rimanakuna patakuta wiñachina nirka, shinapash kay Unidad Nacional de Almacenamiento kamaywasi chinkarikun nirka.
Mamallaktapak hatun kamachikka, Mamallakta Tantanakuy alli, tarpuyta, pallayta yanapak kamachiykunata killkachun mañarka, kay Código Orgánico Integral Agropecuario kamachiywan, Desarrollo Agropecuario kamachiywan kimirik kamachiy killkarichun mañarka, kamachiyta mana paktachikpika Mamallaktapi llankaykuna mana wiñarin, kullki mana mirarin nirka.
Paymanta, David Balcázar, Consejero Consultivo de Maíz, Orellana markamanta shamuk hatun kamachik mañashkawan kimirirka, chaymanta kapukkunata shuwashpa katikuyta harkachun, llaruta yapa pallayta kamachikkuna ashayachichun, chapachun mañarka.
SV/pv/jc-kichwa
