Mamallakta Tantanakuyta pushak, Guadalupe Llori Abarca, kaya puncha Napo llaktapi katikillata Paktachinka, chay llaktapi llaktayukkunapak kawsayta riksichinka, kipaman mutsuykunata allichinka.
Kay 08h00 sayllata, Mamallakta Tantanakuyta pushak, Archidona kitipi llankaykunata kallarichinka, runakunawan, llaktayukkunawan, kamachikkunawan, tantarita pushakkunawan rimanakuyta charinka, paykunapak yuyayta riksinka, ima kamachiykunata killkakushkata riksichinka.
Kipaman,10h30 sayllataka Tena kitipak pushak, Carlos Guevara kamachikwan, Gobiernos Autónomos Descentralizados kamachikwan, Federaciones tantariwan, kitipak Cámaras tantariwan, tantarikunawan, llaktayukunawan, kiti punkupaskanata chaskinka.
Kay aknayta chaskishka kipa chay Sendero Ecológico de Misahualli kuskata riksinka, markapak kamachikkunawan rimnakuyta charinka. Chishiman Mamallakta Tantanakuyta pushak Cotundo ayllullaktapak tukuykunapi, takikunatapi, mikuypi kanka. Chay ayllullaktata pushak allishamushkata kunka, charimushkakunata rikuchinka.
Shinallatak puncha tukuripika, Llori hatun kamachikka, willana hillaykunapi rimayta charinka, chaypi Mamallaktapak munay llankaykunata riksichinka. Chay aknayka 19h00 sayllamanta, Tena kitipi pusharinka.
SV/pv/jc-kichwa
