Kullki mirari, llankay wiñari, warmipak, runallaktapak hayñikuna Mamallakta Tantanakuypak tiksi katikilla kanka
Kay Consejo de Administración Legislativa (CAL) tantari shamuk 100 punchapak katikilla kanka, kay Covid 19 unkuyta pitinkapa pichka tiksi kanka; kullki, llankay mirachina; warmipak hayñi, runallataktapak hayñi, pachamamata kamana, yachayta pushana kanka. Kay CAL tantari, Juventud kamachiyta Comisión de Garantías Constitucionales, Derechos Humanos, Derechos Colectivos y la Interculturalidad minkashka allichinka, kay Economía Social de los Conocimientos, Creatividad e Innovación kamachiytaka Comisión de Educación tantari allichinka. Shuktak 11 kamachiykunatapash rikunka.
Kamachiy killkakkuna wasi rurana kamachiy alli killkarichun ñanta kurka
Mamallakta Tantanakuy Vivienda de Interés Social kamachiyta kallari atinakuyta pusharka, Régimen Jurídico tantari kay wasirurana kamachiy allichirichun wallpanka, llankayñanta ruranka, allichinata pushanka. Kay llankaytaka Sistema Nacional de Vivienda tantarika tukuylla, shukpaklla llankakkuna yaykurin, chaywan tukuylla llaktayta wallpanka, tukuylla kamaywasikuna pushanka, kipaman rurashpa paktachinka. Tawka pata apuykuna, karupi kikinllatak kamachikkuna llankanka. Yapa shulkakuna, kitikuna, markakuna, hatunkitikuna kay llankay paktachun tankanka.
Mamallakta Tantanakuy karashka kullkiwan yachakukkunata uyarka
Kay karashka kullkiwan yachakukkunata uyashka kipa 22 kamachiy killkakkuna uyarka, kipaman Código de Economía Social de los Conocimientos, Creatividad e Innovación kamachiyta kallari atinakuyta rurarka, kay kamachiy yachankapa mañashka kullkita hawalla tikrachichun yanapanka. Ashtawankarin asha asha tikrachishpa katichun, kullki tikrachina punchakuna ama kichkiyachun yanapanka, shina yachana haypita paktachinka. Kamachiy killkakkuna yachakukkunapak yachana hayñita paktachina nirka.
Mamallakta Tantanakuyta pushak Antisuyu llaktakunapak pachamamata kamankapa yuyayta churarka
Kamachik Guadalupe Llori, Mamallakta Tantanakuyta pushak kay Segunda Reunión Ordinaria del Parlamento Amazónico rimanakuypi karka, kaypi kamachiy killkakkunapak yuyaykunata churarka. Antisuyupak parukta ukllana, kamana nirka. Shina wakllirikuk sachakunata, yakuta, wiwakunata, kikin runakunata, charimushka yachaykunata ukllana, kamana kachun mañarka. Chaytami Parlamaz hatun rimanakuy pusharirka, chaypika Bolivia, Brasil, Colombia, Ecuador, Perú, Surinam, Venezuela llaktakuna karka. Ista runakuna, kamaywasikuna, llankakwasikuna sachakunata, kiwakunata, wiwakunata, mayukunata punkarata mashkashpa ama wakllichichun harkana. Kullkiyuk runakuna, wakcha runakuna ama saywarichun mañarka.
Kay Embajada de Estados Unidos Warmi Hatun kamachik kipapushakkunawan tantarirka
Mamallakta Tantanakuypak, Kipapushkuna Virgilio Saquicela, Bella Jiménez, Embajada de Estados Unidos, Debra Hevia kunak kamachikta chaskirka. Shuknikikipapushak Virgilio Saquicela, kay Ecuador llaktapi llankanka istallaktamanta kullkita apamuna rimarka. Istallaktakunawan makita kushpa llankankapa rikrata paskanchik nirka. Ishkaynikikipapushak Bella Jiménez, Mamallakta mayman kimirishpa llankamushka hatun llaktakunawan ruraykunata, yachaykuna, amawtaykunata charinkapa rikrata paskashka kanchik nirka. Istakamachikka kullkikuna chayamuchunka kamachiykunata killkana, arinina kanka nirka.
Kay Fiscalización minkashka 55 huchakuna taripanata rikuchirka
Kay Fiscalización y Control Político Minkashka, chay kapak killaman Plan de Trabajo llankayñanta arinirka, chayka 55 huchakuna taripanata rikuchirka, chaymi llankay yaykurin nirka. Chay China llaktawan, Tailandia llaktawan llankanata rimanakurka. Shinallatak Universidades Yachay, Uniartes, Ikiam, UNAE yachanawasikuna mana alli katikushka Contraloría kamaywasi kamakushkata, chapakushkata rimarka. Minkashkaman yaykurishka kamachiy killkakkunaka añaw unkuyta harkanamanta rimarka, zirma achikmanta yapa kullkita hapikushkatapash rimarka; Antisuyu llaktapi Hatun Yachanawasi wiñarikushkata willarka, chay Manabí llaktapi hampina wasikuna ruraykuna tukurinamantapash Hatun kamachik kullkita kuna nirka.
Minkashkakuna llaktay harkayta kallarirka
Katipika Protección Integral de Niñas, Niños y Adolescentes minkashka, chay Ministros de Salud kamachikta, Inclusión Económica y Social kamachikta, Educación kamachikta, Presidente del Comité de Operaciones de Emergencia kamachikta kayana nirka, paykuna aymuray killa, 24 puncha, 2021 watapi yachakukkuna, yachanawasiman tikramunata rimarka. Yachikkunaman añawharkata churanamanta, shimillita, makita mayllanamanta, yachanawasikuna mana mapa kachun pichanamanta rimarka. Yachakukkuna yachanawasiman tikramunata chay Comisión de Educación minkashkakuna chapanka nirka. Kay mutsuykunata rimankapa Ministros de Trabajo kamachikta, Finanzas kamachikta kayana nirka. Kay Comisión de Régimen Económico tantarika, uchilla tantari churarka, paykuna Lenín Moreno willashkata riksinka.
Kay Comisión de Desarrollo Económico tantarika zirma achikmanta yapa kullkita hapishkamanta llakirirka
Kay Desarrollo Económico minkashka, Ministro de Energía y Recursos Naturales no Renovables kamachikta kunarka, Agencia de Regulación y Control de Energía y Recursos Naturales No Renovables kamachikta kunarka, paykunaka 2021 watapi zirma achikmanta kuna kullkita churachun mañarka. Punasuyupi 120 kw/h, kuntinsuyupi 150 kw/h kachun mañarka, hatun unkuymanta Mamallaktapi runakuna kullkita mana charin nirka, mana kashpaka Punasuyupi, Kuntinsuyupi kullki llakikunata rikuchun mañarka, Covid-19 unkuy urmashka punchamanta zirma tawa pankapi yapa kullkita killkashka nirka. Zirmakamachik churashkata rikushpa yapa kullkita hapishka nirka.
Mamallakta Tantanakuyta pushak, Guadalupe Llori, alli katikillata rikuchirka
Mamallakta Tantanakuyta pushak, Guadalupe Llori, Mamallaktamanta kamachikkunawan, istakamachikkunawan rimanakuyta charirka, paykunaman tawka kamachikkunawan makita kushpa llankanamanta rimarka. Tayta Ministro de Ambiente kamachikwan pachamamata kamana nirka, Ministra de Agricultura kamachikwan tarpuymanta rikuna nirka, Orellana, Napo, Sucumbíos markakunawanka sara, llaru tarpuymanta, kapukyay wachumanta rimarka. Chaypimi IV Foro de Mujeres Liderazgo y Transformación kamachik karka, paykuna warmikuna kay llankaykunata hapichun nirka. Yapa Embajadora de Canadá ista kamachik, Coordinadora Residente del Sistema de Naciones Unidas en Ecuador kamachik karka, kay 2021 watapi kamachiy killkakkuna llankanamanta rimarka, runakuna kullkita charinata, Covid 19 unkuymanta, Agenda de Desarrollo Sostenible 2030 katikillamanta rikisichirka.
Mamallakta Tantanakuyta pushak Napo llakta katikillata paktachirka
Mamallaktapak markakunapi llaktayukkunapak mutsuykunata, llankaykunata riksishpa, Mamallakta Tantanakuyta pushak Napo llaktapi hatun katikillata paktachirka. Shinami Mamallakta Tantanakuyta pushak tantarikunawan, kitikunapak, shulkakunapak, ayllullaktapak kamachikkunawan tantarita charirka, chaypi kamachiykunata riksichirka. Mamallakta Tantanakuy kamachiypi rimashkata paktachirka. Shuktak kamachiy rimashkatapash paktachirka, yalli charik suyu kashpa kunankama mana yanapashka karka, chayta kunanka allichinka. Chaymanta wachita, Tena kitipak punku pashkanata Mamallakta Tantanakuyta pushak chaskirka, kipaman shamankuna, yachak taytakuna shacha hampikunawan picharka.
jc-kichwa
