Kunan tutamanta, 14 punchapi, Guadalupe Llori, Mamallakta Tantanakuyta pushak, llaktay tantarita pushakkunawan, tantarita pushakkunawan, kipapushakkunawan rimanakuyta charirka.
Shinami, chaypi kak tukuykuna yuyarishpa 2022 watakama katikillapi pichka tiksita yaykuchirka, kayta shamuk awaki puncha llaktayukkunaman rikuchinka.
Kamachik, Guadalupe Llori, Mamallakta Tantanakuyta pushak, watapi llankana katikillataka sapan killami kamaykushpa katishun nirka.
Kamachiywan kayllankaypak ñanta churashka paktana yuyayta, apuykunata llaktakunaman chayachinka, Mamallaktapak llankayta katinka, kamachiykuna imashina paktashkata kamaykunka.
Kay rimanakuypika, kamachiy killkakkuna tawka mushuk kamachiykuna allichina kakta riksirka, sapan mushuk ñankunapi kamachiyta allichina llankayta, arinina apunata yaykuchirka.
Kay pichka tiksita arinishka kipa Unidad de Técnica Legislativa, llaktayukkuna chaypikana tantari, kamachiy killkakkunata kamachiywan yanapak, kallari katikillata killkanka, kipaman Consejo de Administración de Legislativa (CAL) tantariman rikuchinka, paykuna allichinka, arininka.
Kamachik, Guadalupe LLori, 2021 watamanta, 2022 watakama katikillapi pichka tiksi charikta, kallaripika 100 punchakama llankanata, shamuk awaki punchapi rikuchinka, Chaypi llaktay tantarita pushakkuna, tantarikunata pushakkuna, kipapushakkuna kanka, paykunapash rimayta charinka.
RSA/pv/jc-kichwa
