Mallakta Tantanakuy chaypi kashpa rimanakuyta kallarirka, Educación Intercultural Kamachiyta allichinka
Kamachiyta allichinaka, chaypak Comité Nacional de Operaciones de Emergencia (COE) kamachik mañashkata paktachinka, Mamallakta Tantanakuypak wasi ukupipash hatun unkuy ama waktachun harkakunata churanka, shina kamachiy killkakkunata, kamachikkunata, awllikkuna, karumanta chayakkuna kamanka, kay tukurik hunkapika kay Educación Intercultural Hatun Kamachiyta allichinkapa, Mamakamachiywan kimirishka kachun, tukuypak yachay kachun arinirka.
Mamallakta Tantanakuy kallari atinakuypi kimsa kamachiyta arinirka
Mamallakta Tantanakuy kallari atinakuypi kimsa kamachiyta arinirka, chayka allikawsayta charinkapa hapiñita, hatun yachaypi taripayta rurankapa arinirka. Kay Carrera Sanitaria shutita charin, allikawsay kallpayta wiñachina, riksina, kamana kan nirka, tukuylla mitachi ukupi runa hayñiwan paktachinka. Kay Atención Integral y Protección a Personas con la Condición del Espectro Autista kamachiyta arinirka. Kay kamachiykunaka wamrakuna yaykurina, allikawsayta kamana, tukuyta yachana, , llankayman chayrak yaykurina, wakllirishka runakunata kamana. Kay Código de Planificación y Finanzas Públicas kamachiy hawa yanapanka, rimarka.
Mamallakta Tantanakuypak katikillaka pichka tiksita charin
Mamallakta Tantanakuyta pushak, Guadalupe Llori, llaktay tantaripak pushakkuna, tantaripak pushak, kipapushakkuna rimanakuypi karka, paykunawan 2022 watapak katikillaka pichka tiksita arinirka. Tiksikunaka Minkas por la Salud, Educación, Gestión de Riesgos y Seguridad Ciudadana yachayta; Economía, Desarrollo Productivo, Empleo, Derechos Laborales y Seguridad Social yachayta; Derechos del Núcleo Familiar, Mujeres, Niñez y Adolescencia yachayta; Derechos por la Ecología y los Derechos Colectivos de Pueblos y Nacionalidades yachayta; Por la Ética, Transparencia y Lucha Contra la Corrupción. Mamallakta Tantanakuyta pushak, Guadalupe Llori, kay katikillaka kamaykushka kanka nirka.
Llankayta chapayka Mamallakta Tantanakuypak punchanta llankaymi kan
Kay Comisión de Fiscalización tantaripak ñawpakpi, Procurador General del Estado, Íñigo Salvador kamachik rikurirka, chaypi Ecuador llakta achka hunu kullkita chay Perenco Limited llankakwasiman kushkata willarka, chaymanta llankakkunata llakita apamushkatapash willarka. Chay kullkita awllikkuna, kamachikkuna kushkatallami huchachinata ushanka, llakita chawpik kamachikkuna kullkita kushka kipami chay kullkita tikrachimunata ñakarinka nishpa kayashka kamachikka willarka.
Yachayman tikramuy, rukuyashka yachachikman kullkita kuna, Comisión de Educación rimarka
Kay yachakukunallatak munashpa yachanawasiman tikramuyta, Comisión de Educación tantaripak ñawpakpi, Ministra de Educación, María Brown kamachik willarka, Viceministro de Salud, José Ruales kamachik shina willarka. Paykunaka yachakukkunata, yachachikkunata, yayamamakunata, yachaypi llankakkunata kamana. Chay rimanakuyman Ministro de Trabajo, Patricio Donoso kamachik shamurka, payka rukuyashka yachachikman kullkita kunamanta rimarka, shinallatak Comisión tantarita pushak, Manuel Medina, kay yuyaykunata rimankapa, atinakunkapa, arininkapa sapan rimayta patakunata churana nirka.
Kay Economía Circular kamachiyka Mamallakta Tantanakuy atinakuchun ñami kan
Kay Desarrollo Económico tantari, Guillermo Lasso Mamallakta Pushak, Economía Circular Inclusiva kamachiyta kacharka, kay kamachiywan kullki wiñarinka, kunipak llankayta wiñachinka nirka, shina kay kamachiy puchukunata shayachinkapa, chanikunata mirarinkapa, kupakunata, puchukunata kutintak kapukyachinkapa yanapanka, yapa Emprendimiento Vinculadas a la Implementación Efectiva del Emprendimiento Juvenil kamachiyta atinakurka, kay kamachiyka ishkaykutin atinakuypak ñami allichishka tiyan.
Kay Comisión de Justicia tantari, Judicatura kamachikkunata Consejo de Participación kamachikkunata chaskirka
Kay Consejo de la Judicatura kunakpak hatun kamachikkunata, Comisión de Justicia y Estructura del Estado tantari chaskirka, chaypi kamaykumanta, kishpichikkunata, awllikkunata, taripakkunata akllanamanta, churanamanta rimarka, kay Carnés de Discapacidad a Servidores Judiciales hawapash rimarka. Kay rimanakuy patakuman Consejo de Participación Ciudadana kamachikkuna shamurka paykuna, imamanta Fausto Murillo Vocal Consejo de la Judicatura kamachikta llankaymanta surkushkata willarka.
Kamachiy killkakkuna, llankayta katina, chaypi kana, llaktakunaman chayana minkashkunapak katikilla kan.
Kay Soberanía tantari, Justicia tantari, Garantías Constitucionales tantari, Participación Ciudadana tantari, Gobiernos Autónomos tantari kay hunakapi llankay pampaman yaykurina, chapankapa katikuyta, kamachiykuna llaktakunapi paktashka katina llankayñanta arinirka. Chaypak llaktayukkuna chaypi kanata, llaktakunapi runakunawan rimanakuyta charinata, paykuna mushuk yuyayta churashkata uyana hawa arinirka, llakikuna tiyakpi allichinata rimarka, shina llaktayukkunawan kuchuyarishpa kamachiykunata killkana nirka.
PV/jc-kichwa
