Kay Ecuador llakta Mamallakta Tantankuypak shutipi, kamachiy killkak Mariano Curicama ista hampillika tantaripi karka.
Chaypi "Transformando la comida; sistemas de salud, equidad y sostenibilidad", hawa rimarka, kay rimanakuytaka Naciones Unidas y la Unión Interparlamentaria hatun tantanakuymi pusharka.
Shinami Martin Chungong, Unión Interparlamentaria hatun pushak, payka unipak, paktapakta mikuna charinamanta rimarka.
Kamachiy killkakkunaka mikun llika hawa llankashpa chikan llankayta rikuchinka nirka. Shinami kay Objetivos de Desarrollo Sostenible hawan llankashpa unipak, pakta mikunawan paktanka, rimarka.
Kay rimanakuy pachapi Mariano Curicama kamachiy killkak, tarpukunami llaktakunapi yarikay ama tiyachun harkanka. Hatun kamachikkunaka yapa wakcha runakuinapi ñawita mana churan nirka. Kay Ecuador llaktapak paklla ayllullaktakunapi pichka wawamanta, chusku wawami zalayashka rikurin, rimarka.
Ñuka kamachiy killkak kani, chaymanta yalli wakcha runakunata yanapankapa kamachiywan llankasha nirka. Kay llakikunata rikushpa mana alli kamachiykunata allichina, chaymi Mamallakta alli llankaykunata rurachun yanapanka nirka, payka Comisión de Soberanía Alimentaria tantarimanta wakcha, kullkita mana charik ayllukunata yanapankapa alli kamachiykunata arinishun nirka.
Kay rimanakuypika Desarrollo Sostenible, chirikunuk shuktayarishka, wakchay anchuchina hawa achkata rimanakurka, chaypak alli tarpuykunata mirachina, tukuylla llaktayta allichina, shuktak llankaykunatapash allichina nishpa hatun yuyayta shuktak kamachiy killkakkunaman churarka.
SV/pv/jc-kichwa
