Mamallakta Tantanakuyta pushak, Guadalupe Llori Abarca, chay Derechos Humanos, Bernarda Ordóñez Moscoso kamachikta chaskirka.
Chaypi takayta anchuchinkapa yuyarirka, ashtawankarin warmikunata takayta anchuchinata paktankapa rimanakurka.
Kamachik, Bernarda Ordóñez, warmikunata takayta anchuchinata paktankapa ashtawankarin mañarka. Warmi kashkamanta wañuchina huchata karipak yuyaymanta Mamallaktapi pichankapa yapa rimarka, Ecuador llaktapak kullasuyu llaktapi warmita wañuchik yalli tiyan nirka.
Kay Secretaría kamaywasipak yuyayka, Para Prevenir y Erradicar la Violencia de Género contra las Mujeres kamachiyta llaktakunapi paktachina.
Chay llankaypak kullkitalla mana rikuna nirka, chay llankayta chikan chikan kamaywasiwan kimirinakuna, yuyarina nirka. Ishkay watata llankakta rikushpa, kay kamachiyta kamaykushpa, nikikunata rikushpa may allichina kakta rikushka, churashka nikikunata allichishpa paktachina nirka.
Paymanta, Guadalupe Llori Abarca, Mamallakta Tantanakuyta pushak, chay Secretaria de Derechos Humanos kamachikta allishamuyta kushpa naparka. Kay kallari llankay punchakunapi, 2021 watamanta, 2023 watakama katikillata killkankapa tukuykuna shuklla yuyayta churarkanchik nirka, katikillaka “Minga por la Ética, Transparencia, Control Social y Lucha contra la Corrupción “ shutita charin nirka, kay katikillataka sarun awaki puncha Mamallaktaman rikuchirka.
Warmita tukuysami takayta anchuchinkapa Mamallakta Tantanakuy makita kunka, tukuylla harkaywan paktachina nirka. Shinami Kamachiy takayta harkashpa, anchuchishpa llankayta rikuchichun kichkiyachishpa sinchita llankanka , chaymi warmi kashkamanta takay anchuirinka nirka.
EG/pv/jc-kichwa
